Міністр абароны Украіны дапусціў, што Расія рыхтуе новы жэст «добрай волі»
Міністр абароны Украіны Аляксей Рэзнікаў мяркуе, што з-за паразаў на полі бою РФ можа агучыць чарговы «жэст добрай волі» на падставе тэхнагеннай катастрофы на тэрыторыі сваёй краіны. Пра гэта ён заявіў у інтэрв'ю агенцтву «Інтэрфакс-Украіна».
Па словах міністра, у Крамлі ўжо шукаюць варыянты магчымых сцэнарыяў, якім чынам можна апраўдаць унутры свайго грамадства чарговы поспех украінскага войска.
Кіраўнік ведамства выказаў здагадку, што ў Крамлі ўжо шукаюць варыянты сцэнарыяў, як гэта «адыграць», і не выключана, што будзе «жэст добрай волі» пад выглядам нейкага катаклізму.
«Калі ўжо паназіраць за шэрагам публічных выказванняў на расійскіх рэсурсах, то можна ўбачыць, што ўжо гучаць фразы: маўляў, «трэба, напэўна, заканчваць СВА», «трэба пераходзіць да абароны», «трэба ўтрымаць нашы «новыя» тэрыторыі».
Бо ў выпадку чарговага поспеху ўкраінскай арміі, які з'яўляецца абсалютна чаканым і для іх, трэба разумець, як «прадаваць» у сябе ўнутры, як падаваць гэта народу? У іх жа таксама перагрэтыя былі чаканні: Кіеў за тры дні і т. зв. «СВА» за тры тыдні. І хоць прапаганда ў РФ працуе выдатна, але з кожным разам усё больш складана…
Гэта не мой прагноз, а разважанне, але ўсё ж я не здзіўлюся, калі ў іх з'явіцца ў сцэнары нейкая праблема, сур'ёзнага катастрафічнага выгляду, тэхнагеннага, на тэрыторыі Расіі», — сказаў Аляксей Рэзнікаў.
Раней «жэстам добрай волі» Расія назвала адыход з вострава Змяіны, праўда, потым неаднаразова яго бамбіла.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары