«Глабальна мы гатовыя». Рэзнікаў расказаў, калі пачнецца ўкраінскі контрнаступ
У глабальным сэнсе Украіна гатовая да контрнаступу, які анансаваўся раней. Чакаюцца неабходныя ўмовы надвор'я і рашэнні камандавання. Пра гэта заявіў сёння на прэс-канферэнцыі міністр абароны Украіны Аляксей Рэзнікаў.
«Падрыхтоўка завяршаецца, акрамя зброі і тэхнікі яшчэ павінна быць яе авалоданне нашымі вайскоўцамі. Мы вельмі сучасныя сістэмы атрымалі, асабліва ў частцы браняванага кулака. Я вам нагадаю, што акрамя танкавай кааліцыі, у якую ўваходзяць у першую чаргу Leopard 2 і Challenger, крыху пазней прыедуць Leopard 1», — цытуе словы Рэзнікава РБК-Украіна.
Ён нагадаў, што Украіна чакае танкі Abrams, але яны ў гэтым контрнаступе, на думку міністра, паўдзельнічаць не паспеюць.
«Акрамя таго, у нас вялікая колькасць браніраваных машын рознага тыпу: і Bradley, і Marder, і Stryker, і C90, там завяршаюцца яшчэ курсы падрыхтоўчыя», — пералічыў Рэзнікаў.
Паводле яго слоў, сама тэхніка падрыхтаваная і часткова дастаўленая, а ёсць тэхніка, на якой завяршаюцца навучальныя праграмы і ўжо экіпажы разам з імі прыбудуць тады, калі будзе вызначана галоўнакамандуючым.
«Калі ў глабальным сэнсе, у высокім працэнтным рэжыме мы гатовыя, далей пытанне за Генеральным штабам, за камандаваннем. Як толькі будзе Божая воля, надвор'е і рашэнне камандзіраў — мы гэта зробім», — заявіў Рэзнікаў.
Нядаўна ў NATO паведамілі, што партнёры далі Украіне 98% абяцанай тэхнікі.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары