Ministr abarony Ukrainy dapuściŭ, što Rasija rychtuje novy žest «dobraj voli»
Ministr abarony Ukrainy Alaksiej Reźnikaŭ miarkuje, što z-za parazaŭ na poli boju RF moža ahučyć čarhovy «žest dobraj voli» na padstavie technahiennaj katastrofy na terytoryi svajoj krainy. Pra heta jon zajaviŭ u intervju ahienctvu «Interfaks-Ukraina».
Pa słovach ministra, u Kramli ŭžo šukajuć varyjanty mahčymych scenaryjaŭ, jakim čynam možna apraŭdać unutry svajho hramadstva čarhovy pośpiech ukrainskaha vojska.
Kiraŭnik viedamstva vykazaŭ zdahadku, što ŭ Kramli ŭžo šukajuć varyjanty scenaryjaŭ, jak heta «adyhrać», i nie vyklučana, što budzie «žest dobraj voli» pad vyhladam niejkaha kataklizmu.
«Kali ŭžo panazirać za šeraham publičnych vykazvańniaŭ na rasijskich resursach, to možna ŭbačyć, što ŭžo hučać frazy: maŭlaŭ, «treba, napeŭna, zakančvać SVA», «treba pierachodzić da abarony», «treba ŭtrymać našy «novyja» terytoryi».
Bo ŭ vypadku čarhovaha pośpiechu ŭkrainskaj armii, jaki źjaŭlajecca absalutna čakanym i dla ich, treba razumieć, jak «pradavać» u siabie ŭnutry, jak padavać heta narodu? U ich ža taksama pierahretyja byli čakańni: Kijeŭ za try dni i t. zv. «SVA» za try tydni. I choć prapahanda ŭ RF pracuje vydatna, ale z kožnym razam usio bolš składana…
Heta nie moj prahnoz, a razvažańnie, ale ŭsio ž ja nie ździŭlusia, kali ŭ ich źjavicca ŭ scenary niejkaja prablema, surjoznaha katastrafičnaha vyhladu, technahiennaha, na terytoryi Rasii», — skazaŭ Alaksiej Reźnikaŭ.
Raniej «žestam dobraj voli» Rasija nazvała adychod z vostrava Źmiainy, praŭda, potym nieadnarazova jaho bambiła.
Ciapier čytajuć
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary