Беларусы прыдумалі знак для твораў без выкарыстання штучнага інтэлекту
Выдавецтва Gutenberg Publisher, заснаванае ў Кракаве беларусамі, пачало пазначаць свае навінкі спецыяльным знакам No AI content inside («Не ўтрымлівае змесціва, створанага штучным інтэлектам»). Цікава, што лагатып прыдумаў адзін з аўтараў выдавецтва, а ў польскіх друкарнях ужо пытаюцца — ці гэта не нейкі новы абавязковы знак.
Цешыць, што беларускія выдаўцы пасля пагрому, учыненага ўладамі, не толькі не здаліся, але выдаюць новыя кнігі за мяжой і нават пачынаюць задаваць новыя стандарты.
У свеце ўжо існуюць пашыраныя знакі для пазначэння харчовых прадуктаў, якая не ўтрымліваюць генна мадыфікаваных складнікаў, ці, напрыклад, Fairtrade — шакаладу, кавы ці вопраткі, вырабленых з захаваннем асноўных правоў вытворцаў у бедных краінах.
А вось агульнапрынятых аналагаў такога знаку «Без выкарыстання AI» у іншых краінах пакуль што няма — беларусы тут на вастрыі тэндэнцыі.
Адзінай думкі наконт «штучнага інтэлекту» яшчэ не выпрацавалася, і, магчыма, ніколі не будзе. Знак можа быць карысны тым, хто хоча гарантавана мець перад сабой артэфакт, створаны рэальнымі людзьмі.
Выдавецтва Gutenberg Publisher запрашае аўтараў і мастакоў пазначаць свае творы і абяцае выслаць файл знака кожнаму, хто захоча ім карыстацца.
ЕС абароніць грамадзян ад штучнага інтэлекту законам: ніякіх «сацыяльных рэйтынгаў», распазнаванне твараў толькі па рашэнні суда
«Gutenberg Publisher будзе не проста выдавецтвам, а і інтэлектуальнай прасторай». Стваральніца беларускага выдавецтва за мяжой — пра працу, грошы, надзеі і перспектывы
З'явіўся пазл «Бітва пад Оршай» і «Беларускі народны соннік»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары