Свет33

Суравікін «у адным месцы, але не ў турме». Што пішуць пра лёс расійскага генерала

Супярэчлівая інфармацыя распаўсюджваецца наконт расійскага генерала Сяргея Суравікіна. 

Сяргей Суравікін. Фота: AP

Учора выданне The Moscow Times са спасылкаю на дзве свае крыніцы, блізкія да апарату Мінабароны, паведаміла, што намеснік камандуючага Аб'яднанай групоўкай расійскіх войскаў ва Украіне генерал Сяргей Суравікін арыштаваны. Адна з крыніц выдання сцвярджала, што арышт звязаны з мяцяжом Прыгожына.

Раней выданне The New York Times паведамляла са спасылкай на чыноўнікаў ЗША, знаёмых з разведданымі, што Суравікін нібыта загадзя ведаў пра планы Яўгена Прыгожына пачаць узброены мяцеж супраць вайсковага кіраўніцтва Расіі. Але гэта інфармацыя так і засталася непацверджанай. 

Сёння выданне The Financial Times са спасылкай на свае крыніцы напісала, што Суравікін затрыманы.

FT дадало, што застаецца незразумелым, ці звязана гэта з абвінавачаннем генерала ва ўдзеле ў мяцяжы Яўгена Прыгожына або яго затрымлівалі для допыту.

А вось дачка Суравікіна Вераніка паведаміла «Базе», што з бацькам «нічога не адбылося», ён знаходзіцца на сваім працоўным месцы. Але сказала яна пра гэта не надта ўпэўнена.

Жонка Суравікіна адмовілася каментаваць паведамленні пра арышт мужа.

Прэс-сакратар Крамля Дзмітрый Пяскоў таксама адмовіўся ад каментароў і параіў звярнуцца з пытаннем у Міністэрства абароны.

Выданне «Важные истории», у сваю чаргу, напісала, што Суравікін не затрыманы.

Як заявілі суразмоўцы выдання, блізкія да Генштаба і ФСБ, генерала дапыталі, а затым адпусцілі.

Паводле інфармацыі агенцтва Bloomberg, Суравікіна на працягу некалькіх дзён дапытвалі вайсковыя пракуроры аб яго сувязях з кіраўніком ПВК «Вагнер» Яўгенам Прыгожыным. Са слоў суразмоўцы агенцтва, генерал «утрымліваецца ў адным месцы, але не ў турме».

Афіцыйных каментароў наконт лёсу Суравікіна не было.

Сяргея Суравікіна прызначылі камандуючым расійскімі войскамі ва Украіне ў кастрычніку 2022 года. У студзені 2023 яго знялі. Камандуючым так званай Аб’яднанай групоўкай войскаў быў прызначаны начальнік Генштаба генерал арміі Валерый Герасімаў. Суравікін стаў намеснікам Герасімава.

Падчас мяцяжу Прыгожына Суравікін выступіў з відэапаведамленнем, у якім заклікаў вагнераўцаў спыніцца.

Каментары3

  • Кастусь
    29.06.2023
    знакомьтесь, Суровикин Шрёдингера - одновременно и задержан, и не задержан
  • Чак
    29.06.2023
    дзядзька трапіў у ♂dungeon♂ 😈
  • Potato ham
    29.06.2023
    Они там все в одном месте оказались со своей операцией.

Цяпер чытаюць

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак

Усе навіны →
Усе навіны

Зяленскі перапыніў брыфінг, бо яму ў прамым эфіры пазваніў Макрон3

«Не спрацавала ні адна з сістэм бяспекі». Уладальнік Belgee, які днямі перавярнуўся ў Мінску, вырашыў судзіцца з вытворцам19

Расійскі паэт і драматург памёр пасля таго, як яго адхілілі ад правядзення цырымоніі адкрыцця фестывалю анімацыі

Пазняк навучыў твітарскіх новаму слову — «лапідарны». Як гэта здарылася?68

Жыхары прымежнай польскай вёскі выступілі супраць вышкі для назірання за Беларуссю5

Зяленскі заявіў, што Украіна атрымала новую партыю знішчальнікаў F-16

Інаўгурацыю Лукашэнкі паставілі на Дзень Волі52

Будаўніка, які доўгі час жыў у Расіі, асудзілі ў Віцебску за палітыку. А цяпер абвясцілі «тэрарыстам»1

У Віцебскай вобласці затрымалі за ноч 11 чалавек за крадзеж каўбасы — яе выкідвалі праз акно7

больш чытаных навін
больш лайканых навін

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9

Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак

Галоўнае
Усе навіны →

Заўвага:

 

 

 

 

Закрыць Паведаміць