«Кумулятыўны эфект». Міністр адукацыі прагназуе значнае падаражэнне навучання ў ВНУ
Міністр адукацыі Андрэй Іванец анансаваў павелічэнне платы за навучанне ў вышэйшых навучальных установах Беларусі.
«Досыць доўгі час павышэнне кошту навучання адбывалася вельмі павольнымі тэмпамі.
Напрыклад, інфляцыя і рост індэкса цэн у мінулым годзе былі на ўзроўні 16%, ну і, адпаведна, зарплата падымалася на ўзроўні не менш за гэтую адзнаку, а кошт навучання за мінулы год быў падняты менш чым на 7%.
Дадзеная тэндэнцыя стрымлівання росту назіралася на працягу апошніх гадоў, і менавіта сёння мы маем свайго роду назапашаны кумулятыўны эфект», — заявіў Іванец.
Цяпер міністэрства распрацоўвае павышэнне платы за навучанне ў ВНУ. «Выдаткі штогод растуць на 15-17%, мы мяркуем, што за межы гэтай сумы павелічэнне кошту не выйдзе», — кажа Іванец.
Цяпер студэнты-платнікі падпісваюць з ВНУ дадатковае пагадненне. У сюжэце АНТ гаворыцца, што студэнтка БДУ падпісала паперу, дзе поўны кошт навучання пазначаны ў 15 тысяч рублёў на год. Яна ж плаціла каля 5 тысяч рублёў. Цяпер яна баіцца, што кошт навучання будзе імкнуцца да гэтай сумы.
Гэтым дадатковым пагадненнем Мінадукацыі хоча паказаць студэнтам і іх бацькам, што яны не цалкам аплочваюць навучанне, а значыць, павінны адпрацоўваць абавязковае размеркаванне, якое цяпер хочуць увесці і для платнікаў.
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў12
Каментары
"Он биолог и химик, никто не скажет, что Лукашенко его тащит за что-то. И специалисты, которые его тестируют часто, Академии наук говорят, что он уже вуз закончил. Ему уже нечего делать в вузе", – рассказывал президент в интервью Владимиру Соловьеву. (tochka.by)