Пацверджаныя страты Расіі ў вайне супраць Украіны перавысілі 43 тысячы чалавек
Толькі за апошнія два тыдні баявых дзеянняў на ўкраінскім фронце загінулі 1283 расіяніны. А ўсяго з лютага 2022 года колькасць загінулых ва Украіне расійскіх вайскоўцаў перавысіла 43 тысячы чалавек, падлічылі на аснове звестак з адкрытых крыніц «Медыязона», Руская служба Бі-бі-сі і каманда валанцёраў.
Амаль палова ўсіх баявых страт прыпадае на людзей, якія прыйшлі ў расійскае войска з «грамадзянкі», адзначаецца ў даследаванні. Цяпер асноўную нагрузку на перадавой нясуць мабілізаваныя, добраахвотнікі (у тым ліку ўдзельнікі прыватных вайсковых кампаній) і завербаваныя ў папраўчых калоніях зняволеныя.
Як адзначаецца ў даследаванні, іх страты супастаўныя з паказчыкамі зімы 2023 года (600-800 загінулых за тыдзень).
З 43 014 загінулых на вайне з Украінай расійскіх вайскоўцаў, чые імёны ўдалося вызначыць валанцёрам, 5169 прыпадае на мабілізаваных.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары