Paćvierdžanyja straty Rasii ŭ vajnie suprać Ukrainy pieravysili 43 tysiačy čałaviek
Tolki za apošnija dva tydni bajavych dziejańniaŭ na ŭkrainskim froncie zahinuli 1283 rasijaniny. A ŭsiaho ź lutaha 2022 hoda kolkaść zahinułych va Ukrainie rasijskich vajskoŭcaŭ pieravysiła 43 tysiačy čałaviek, padličyli na asnovie źviestak z adkrytych krynic «Miedyjazona», Ruskaja słužba Bi-bi-si i kamanda vałancioraŭ.
Amal pałova ŭsich bajavych strat prypadaje na ludziej, jakija pryjšli ŭ rasijskaje vojska z «hramadzianki», adznačajecca ŭ daśledavańni. Ciapier asnoŭnuju nahruzku na pieradavoj niasuć mabilizavanyja, dobraachvotniki (u tym liku ŭdzielniki pryvatnych vajskovych kampanij) i zavierbavanyja ŭ papraŭčych kałonijach źniavolenyja.
Jak adznačajecca ŭ daśledavańni, ich straty supastaŭnyja z pakazčykami zimy 2023 hoda (600-800 zahinułych za tydzień).
Z 43 014 zahinułych na vajnie z Ukrainaj rasijskich vajskoŭcaŭ, čyje imiony ŭdałosia vyznačyć vałancioram, 5169 prypadaje na mabilizavanych.
Kamientary