Зімбабвійскія СМІ апублікавалі відэа, на якім 81-гадовы прэзідэнт Зімбабвэ Эмерсан Мнангагва амаль дзве хвіліны спрабуе завесці новы трактар «Беларус», але яму гэта ніяк не ўдаецца.
Прыкры для зімбабвійскага лідара выпадак адбыўся, як паведамляецца, 21 лютага падчас святкавання Нацыянальнага дня моладзі. Мнангагва ў ходзе ўрачыстасцяў перадаў беларускі трактар у падарунак маладзёжнаму прафесійна-тэхнічнаму навучальнаму цэнтру і сам сеў за руль, але трапіў у канфуз: трактар не хацеў заводзіцца.
На відэа бачна, як вакол трактара, за рулём якога сядзіць Эмерсан Мнангагва, бегаюць ягоныя памочнікі, якія стараюцца высветліць прычыну няспраўнасці і дапамагчы прэзідэнту ўсё ж такі паехаць. Працягваецца гэта каля двух хвілін, пасля відэа адключаецца і ўключаецца зноў у момант, калі трактар усё ж такі заводзіцца.
Выданне The Mirror, відавочна апазіцыйнае да ўлады, каментуе сітуацыю словамі, што
«Зімбабвэ з'яўляецца месцам звалкі няякаснай прадукцыі з Беларусі, прэзідэнт якой Аляксандр Лукашэнка і некалькі асобаў, як мяркуецца, з'яўляюцца найбуйнейшымі бенефіцыярамі цьмяных пагадненняў паміж дзвюма краінамі».
Таксама пры нагодзе нагадваецца, што ў 2022 годзе беларускі бізнэсмен Аляксандр Зінгман, блізкі да Эмерсана Мнангагвы, атрымаў здзелку на 62 мільёны долараў ЗША на пастаўку мясцовым уладам пажарных машын. Пасля з гэтага разгарэўся карупцыйны скандал.
Лукашэнка актыўна прасоўвае Беларусь на афрыканскім кантыненце. Але ці зацікаўлена Афрыка ў Беларусі? Тлумачыць эканаміст
Пасля смерці Прыгожына Зінгман спрабуе перахапіць ахоўныя кантракты «Вагнера» — крыніцы
У Зімбабвэ адмовіліся ад закупу пажарных машын у Беларусі
Скандал з пажарнымі машынамі з Беларусі разрастаецца: парламент Зімбабвэ хоча прызнаць здзелку несапраўднай
У Зімбабвэ разгарэўся карупцыйны скандал вакол закупкі беларускіх пажарных машын
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары
Там пимпочка специальная есть на тнвд.
У них тоже президент везде лезет, где ничего не понимает.