У Расіі выпусцілі кнігу пра рэжысёра Пазаліні і замазалі чорным усе згадкі пра яго гомасэксуальнасць ФОТАФАКТ
Кніга Раберта Корнэра «Пазаліні. Памерці за ідэі», якая выйшла ў выдавецтве АСТ, не мае цэлых старонак тэксту, у якіх расказвалася аб гомасэксуальнасці італьянскага рэжысёра, піша Бі-бі-сі.
На сайце выдавецтва апублікавана нататка: «Звяртаем вашу ўвагу, што тэкст кнігі быў скарочаны ў сувязі з 478-м федэральным законам».
Гэты закон забараняе распаўсюджванне «інфармацыі, якая прапагандуе нетрадыцыйныя сэксуальныя адносіны і (або) перавагі, педафілію, змену полу». Тэкст, які выдавецтва не вырашылася апублікаваць, пры гэтым не выразаны, а зафарбаваны чорным колерам.
Раней на гэтым тыдні АСТ канфіскавала з продажу некалькі кніг, у якіх, як вынікала з перасцярогі пракуратуры і Экспертнага цэнтра пры Расійскім кніжным саюзе, былі выяўленыя прыкметы «ЛГБТ-прапаганды».
Выданне «Горкій», якое выпусціла рэцэнзію на кнігу пра Пазаліні, таксама зафарбавала чорным значныя кавалкі свайго артыкула. У канцы тэксту аўтар Барыс Купрыянаў указвае: «Кніга «Пазаліні. Памерці за ідэі», безумоўна, заслугоўвае ўвагі. На жаль, аўтар гэтых радкоў не змог ацаніць яе абсалютна аб'ектыўна, бо некаторыя фрагменты арыгінальнага тэксту зафарбаваныя ██████ ████████».
«Кніга выйшла ў серыі «Карціна часу». Мабыць, гэтая серыя можа стаць культавай», — дадаў ён.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося19
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі88
Каментары