З'явіліся спадарожнікавыя здымкі разбуранай газавымяральнай станцыі «Суджа»
Расійская служба «Радыё Свабода» апублікавала спадарожнікавыя здымкі разбуранай газавымяральнай станцыі ў Суджы Курскай вобласці.
На фота ад 11 жніўня бачна, што адзін з адміністрацыйных будынкаў станцыі і адна з пляцовак з абсталяваннем разбураныя практычна цалкам. З аналізу здымкаў вынікае, што адны пашкоджанні з'явіліся паміж 9 і 10 жніўня, іншыя — паміж 10 і 11 жніўня.
«Газпром» сцвярджае, што расійскі газ прапампоўваецца праз Суджу ў штатным рэжыме. Цяпер гэта адзіны шлях пастаўкі расійскага газу праз Украіну ў Еўропу.
Дакладна невядома, ці кантралююць украінскія вайскоўцы Суджу, але здымкі паказваюць, што яны там дзейнічаюць.
Каментары