На нарадзе ў Пуціна расійскія ўлады ўпершыню падрабязна пракаментавалі сітуацыю ў Курскай вобласці
Расійскія ўлады прызналі страту кантролю над 28 населенымі пунктамі.
12 чалавек загінулі ў выніку наступлення УСУ ў Курскай вобласці, як мінімум 121 мірны жыхар атрымаў раненні. Такія звесткі агучыў на нарадзе па сітуацыі ў прыгранічных з Украінай рэгіёнах часовы кіраўнік Курскай вобласці Аляксей Смірноў на нарадзе ў Пуціна.
Лёс каля 2 тысяч чалавек, якія знаходзяцца ў 28 населеных пунктах вобласці пад кантролем украінцаў, невядомы, дадаў ён.
180 тысяч чалавек падлягаюць эвакуацыі, выехала і эвакуіравана 121 тысяча чалавек, заявіў кіраўнік Курскай вобласці.
Таксама ён паведаміў, што ўкраінцы захапілі 28 населеных пунктаў з 480 квадратнымі кіламетрамі тэрыторыі. Шырыня пранікнення УСУ на тэрыторыю вобласці складае 40 кіламетраў, глыбіня — 12 км. Гэтыя лічбы расійскія ўлады назвалі ўпершыню.
Пуцін пасля гэтых слоў перабіў губернатара Смірнова і папрасіў перайсці на іншую тэму.
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў4
Каментары
Ну видать ввп явно не этого добивался и есть вероятность что очень болезненно реагирует на такие сводки
І вось параўнайце з ахвярамі ў тым жа Марыупалі, калі яго захоплівалі расійскія акупанты. Ці на Жытомірскай трасе, дзе расійцы прыцэльна расстрэльвалі цывільныя аўтамабілі з надпісамі ўручную на шкле "дети": https://texty.org.ua/articles/110472/masove-vbyvstvo-na-zhytomyrskij-trasi-mapa-hronolohiya-ta-rozsliduvannya-rosijskoho-zlochynu/?src=main&fbclid=IwAR2P1EamphpT3xIWyq8Go1kZMkuq5XzI8qmeKqx8dr19KyRYc2hDgXtd2hk