У Іране разгарэўся канфлікт ва ўрадзе праз закон аб хіджабе. Новы закон, прыняты парламентам, робіць больш жорсткімі патрабаванні да абавязковага нашэння хіджаба для жанчын і прадугледжвае суровыя пакаранні за яго парушэнне. Аднак прэзідэнт Ірана Масуд Пезешкіян наклаў вета на гэты закон, баючыся, што ён можа выклікаць новыя грамадскія хваляванні, піша Bild.
Іранскае выданне Hamshari піша, што прэзідэнт перадаў пытанне ў Найвышэйшую раду нацыянальнай бяспекі — галоўны орган, які прымае ключавыя рашэнні ў Іране. Гэты крок можа прывесці да частковай адмены закона.
Новае заканадаўства ўводзіла за ненашэнне хіджаба строгія меры, уключаючы буйныя штрафы, забарону на паездкі за мяжу і канфіскацыю маёмасці, асабліва для вядомых асоб.
Нядаўні інцыдэнт з іранскай спявачкай Парасту Ахмадзі, якая выступіла без хіджаба і апублікавала запіс на ютубе, выклікаў грамадскі рэзананс. Яе разам з удзельнікамі групы арыштавалі за «парушэнне ісламскіх нормаў», аднак неўзабаве адпусцілі. На фоне грамадскага ціску і рознагалоссяў ва ўрадзе прыняцце закона было часова прыпынена.
Нягледзячы на пагрозы пакаранняў, многія жанчыны ў буйных гарадах Ірана працягваюць адкрыта выступаць супраць абавязковага нашэння хіджаба.
У Іране затрымалі спявачку, якая праспявала без хіджаба. Але нечакана яе адпусцілі
У Іране 27-гадовая спявачка выступіла з непакрытай галавой на канцэрце, што забаронена правіламі краіны ВІДЭА
У Іране студэнтка распранулася на вуліцы да бялізны ў знак пратэсту супраць хіджаба ВІДЭА
Іранскаму блогеру прысудзілі 12 гадоў турмы за твіт з кропкай
Вярхоўны суд Ірана адмяніў смяротны прысуд папулярнаму рэперу, які падтрымаў пратэсты
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца16
Каментары