У Іране студэнтка распранулася на вуліцы да бялізны ў знак пратэсту супраць хіджаба ВІДЭА
Студэнтка Ісламскага ўніверсітэта Азад у Тэгеране зняла адзенне і прайшлася па кампусе з-за пераследу за няправільнае нашэнне хіджаба.
У сацыяльных сетках распаўсюдзіўся відэазапіс з дзяўчынай, якая ў ніжняй бялізне ходзіць па двары Навукова-даследчага аддзела ўніверсітэта.
Студэнцкая група Amir Kabir Newsletter паведаміла, што студэнтка распранулася пасля таго, як на дзяўчыну напалі за адсутнасць хусткі і разарвалі вопратку супрацоўнікі службы бяспекі. Там таксама адзначылі, што дзяўчыну ўдарылі галавой аб дзверы аўтамабіля.
Усе жанчыны ў Іране абавязаны хаваць валасы пад хусткай і насіць свабоднае адзенне. З красавіка на вуліцах гарадоў Ірана павялічылася колькасць супрацоўнікаў «Басідж», якія сочаць за правільным нашэннем хіджаба, а ўніверсітэты ўкаранілі тэхналогіі распазнання асоб на ўваходзе, каб не прапускаць студэнтак, чый знешні выгляд не адпавядае правілам. Нягледзячы на гэта, многія жанчыны ў Тэгеране ў знак пратэсту пакідаюць галаву непакрытай.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары
Восхищаюсь и плАчу. Иранские женщины - герои. Но героизм не имеет смысла.