Тур: Беларускія спецслужбы будуць падтрымліваць «апазіцыю да апазіцыі»
Спрыянне будзе «ад медыйнага да аператыўнага», абяцае звязаны са спецслужбамі прапагандыст.
Прапагандыст Ігар Тур напісаў пост, у якім заахвочвае апазіцыянераў у вымушанай міграцыі да супрацоўніцтва. Найперш яго цікавяць заклікі зняць санкцыі з рэжыму.
«Тая апазіцыя да апазіцыі, якая адносна ўстойліва сфармавалася ў збеглых і мае намер ініцыяваць публічныя заклікі да ЗША і ЕС зняць аднабаковыя злачынныя санкцыі супраць Беларусі ў якасці разумнага першага кроку для выбудоўвання дыялогу, — працягвайце сваю палітычную дзейнасць, вашу працу бачаць і ацэньваюць», — піша Тур.
Ён дадае інтрыгі, кажучы, што такім людзям, хто выступае супраць санкцый, спецслужбы аказваюць дапамогу.
«Відавочна таксама (некаторыя нават проста ў курсе), што гэтай кааліцыі самавыгнаннікаў Радзіма аказвае садзейнічанне, ад медыйнага да аператыўнага. Межы для гэтага працэсу — наогул не праблема», — абяцае ён.
Прапагандыст кажа, што інтарэсы тых, хто выступае супраць санкцый, «сыходзяцца ў пункце, што банду / секту, якая выпрошвае санкцыі супраць Беларусі ці хаця б просіць дзейныя санкцыі не здымаць, — трэба гасіць. Не фізічна, само сабой», — са спецыфічным гумарам кажа Тур.
На сёння існуюць дзве асноўныя групы, якія рэзка крытыкуюць Святлану Ціханоўскую і Паўла Латушку і выступаюць за безумоўнае зняцце санкцый з лукашэнкаўцаў.
Адна складаецца з Зянона Пазняка і Паўла Усава, якія ўтварылі рух «Вольная Беларусь».
Іншая гуртуецца вакол актывістаў былога штаба Віктара Бабарыкі і аргкамітэта партыі «Разам». Да іх належаць Іван Краўцоў і Антон Раднянкоў, а таксама сястра Марыі Калеснікавай Таццяна Хоміч.
Супраць Ціханоўскай выступае таксама кола «Хартыі» і такія асобы, як Валер Цапкала і Дзмітрый Балкунец, але ў пытанні санкцый яны займаюць найбольш радыкальную пазіцыю і выступаюць за самыя рашучыя метады ўздзеяння.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары
Если бы так было на самом деле, они бы про это не говорили в слух.