Леў XIV — апантаны тэнісіст. Ён грае з самага дзяцінства, якое правёў у Чыкага.
«Месяц таму я бачыў Папу тут, за гульнёй», — распавёў Bild аўгусцінскі манах Андрэс Феліпэ Рамэра. «Тут» — гэта тэнісны корт у садах ордэна аўгусцінцаў у Рыме, усяго за некалькі крокаў ад плошчы Святога Пятра.
«Брат Боб», як называлі Льва XIV аўгусцінцы (тады ён быў кардыналам Робертам Фрэнсісам Прэво), кожную нядзелю раніцай, аж да самага канклава, прыязджаў у манастыр на сваёй маленькай машыне, каб пагуляць у тэніс.
«Роберт гуляў са сваім сакратаром. Пасля гульні мы шпацыравалі з кардыналам ці проста сядзелі, атрымлівалі асалоду ад прыроды і трохі размаўлялі», — успамінае Рамэра.
У атачэнні новага Папы кажуць, што ў яго «выдатная задняя падача» і што ён «цудоўны супернік». У адным з інтэрв'ю з нагоды прызначэння кардыналам Папа Леў казаў: «Я лічу сябе аматарам тэнісу».
У Ватыкане таксама ёсць тэнісны корт. Замест звычайнага штучнага пакрыцця там, як і на Roland Garros, гуляюць на чырвоным полі з драблёнай цэглы. Такое пакрыццё не дазваляе рухацца так хутка, як штучнае, затое лепш захоўвае суставы гульцоў.
Тэніс быў вельмі папулярны ў Ватыкане ў 1970-я, распавяла на гэтым тыдні New York Times. Тады гулялі ўсе з усімі: кардыналы са швейцарскімі гвардзейцамі, дыпламаты з звычайнымі служачымі адміністрацыі… Рэгулярна праводзіліся турніры. Але, паводле выдання, у апошнія гады тэнісны запал у Ватыкане згас. Не гуляе нават ніхто з гвардзейцаў.
Цяпер сітуацыя можа змяніцца. Шкада толькі, што Папу, магчыма, чакае нялёгкі пошук сапраўдных спарынг-партнёраў. Але калі ватыканскія турніры адновяцца, з яго вопытам у яго будзе перавага — шанс на перамогу значна вышэйшы.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары
Niachaj, kštaltu, vierniki heta robiac`, a jon u miačyk pahuliaje... Dobra, što choc` u šachmaty nie pačaū rubicca, a to b zusim hamon...
Raniej by takoha jerytykom pryznali, dy i raspilavali b na kavalki žyūcom, jak bylo pryniata,.. jamu ž samomu dabra žadajučy...