Кароль Вялікабрытаніі Карл ІІІ адкрыў сесію канадскага парламента прамовай, у якой сказаў, што Канада сутыкаецца з беспрэцэдэнтнымі выклікамі ў свеце, які аказаўся ў найбольш небяспечнай сітуацыі з часоў Другой сусветнай вайны, паведамляе Расійская служба Радыё Свабоды.
«Шматлікія канадцы адчуваюць трывогу перад імкліва зменлівым светам. Дэмакратыя, вяршэнства закона і свабода — каштоўнасці, якія неабходна абараняць», — заявіў кароль, які прыбыў у Канаду па запрашэнні новага прэм’ер-міністра краіны Марка Карні.
У сваёй прамове Карл ІІІ падкрэсліў, што ўрад Канады мае намер умацоўваць абароназдольнасць, інвеставаць ва ўзброеныя сілы і ўдзельнічаць у праграме ReArm Europ для забеспячэння трансатлантычнай бяспекі.
Кароль адзначыў унікальную культурную ідэнтычнасць Канады, заснаваную на брытанскіх, французскіх і карэнных традыцыях, і падкрэсліў важнасць абароны французскай мовы, культуры Квебека і дзяржаўнай тэлерадыёкампаніі CBC/Radio-Canada.
У канцы сваёй прамовы Карл ІІІ нагадаў словы з гімна Канады: «Сапраўдная Поўнач моцная і свабодная».
Прамова Карла ІІІ, якая прагучала на французскай і англійскай мовах, стала знакавым жэстам падтрымкі Канады ў адказ на пагрозы з боку прэзідэнта ЗША Дональда Трампа, які абвясціў Канадзе гандлёвую вайну і неаднаразова выказваў жаданне ператварыць Канаду ў амерыканскі штат. Дэпутаты сустрэлі выступленне караля стаячай авацыяй.
Гэта ўсяго толькі трэці выпадак у гісторыі, калі брытанскі манарх адкрывае сесію канадскага парламента (да яго гэта рабіла толькі каралева Лізавета II у 1957 і 1977 гадах).
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос27
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1313
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс13
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5454
Каментары
Карль ||| нагадал гісторыю адкуль пайшла " амэрыканская земля" і у каго " карты"