Karol Vialikabrytanii Karł III adkryŭ siesiju kanadskaha parłamienta pramovaj, u jakoj skazaŭ, što Kanada sutykajecca ź biesprecedentnymi vyklikami ŭ śviecie, jaki akazaŭsia ŭ najbolš niebiaśpiečnaj situacyi z časoŭ Druhoj suśvietnaj vajny, paviedamlaje Rasijskaja słužba Radyjo Svabody.
«Šmatlikija kanadcy adčuvajuć tryvohu pierad imkliva źmienlivym śvietam. Demakratyja, viaršenstva zakona i svaboda — kaštoŭnaści, jakija nieabchodna abaraniać», — zajaviŭ karol, jaki prybyŭ u Kanadu pa zaprašeńni novaha premjer-ministra krainy Marka Karni.
U svajoj pramovie Karł III padkreśliŭ, što ŭrad Kanady maje namier umacoŭvać abaronazdolnaść, inviestavać va ŭzbrojenyja siły i ŭdzielničać u prahramie ReArm Europ dla zabieśpiačeńnia transatłantyčnaj biaśpieki.
Karol adznačyŭ unikalnuju kulturnuju identyčnaść Kanady, zasnavanuju na brytanskich, francuzskich i karennych tradycyjach, i padkreśliŭ važnaść abarony francuzskaj movy, kultury Kviebieka i dziaržaŭnaj teleradyjokampanii CBC/Radio-Canada.
U kancy svajoj pramovy Karł III nahadaŭ słovy z himna Kanady: «Sapraŭdnaja Poŭnač mocnaja i svabodnaja».
Pramova Karła III, jakaja prahučała na francuzskaj i anhlijskaj movach, stała znakavym žestam padtrymki Kanady ŭ adkaz na pahrozy z boku prezidenta ZŠA Donalda Trampa, jaki abviaściŭ Kanadzie handlovuju vajnu i nieadnarazova vykazvaŭ žadańnie pieratvaryć Kanadu ŭ amierykanski štat. Deputaty sustreli vystupleńnie karala stajačaj avacyjaj.
Heta ŭsiaho tolki treci vypadak u historyi, kali brytanski manarch adkryvaje siesiju kanadskaha parłamienta (da jaho heta rabiła tolki karaleva Lizavieta II u 1957 i 1977 hadach).
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary
Karl ||| nahadał historyju adkul pajšła " amerykanskaja ziemla" i u kaho " karty"