Былога кіраўніка «фабрыкі троляў» Прыгожына ў Расіі прысудзілі да 10 гадоў калоніі строгага рэжыму
Суд прызнаў былога кіраўніка медыягрупы «Патрыёт» Ілью Гарбунова вінаватым у вымаганні і захоўванні наркотыкаў. Яго таксама аштрафавалі на 500 тысяч расійскіх рублёў (6 370 даляраў), піша Бі-бі-сі.
Пракуратура прасіла для Гарбунова 10 гадоў і чатыры месяцы калоніі, а таксама штраф у 5 млн рублёў (63 700 даляраў). Медыяменеджар сваёй віны не прызнаў.
Паводле версіі следства, у мінулым годзе Гарбуноў вымагаў больш за 10 млн расійскіх рублёў (127 тысяч даляраў) у былога калегі, цяпер дэпутата Заканадаўчага сходу Пецярбурга Аляксандра Малькевіча. У 2018 годзе Малькевіч удзельнічаў у запуску сайта USA Really, звязанага з агенцтвам РІА ФАН Яўгена Прыгожына.
Гарбунова затрымалі мінулагоднім летам пасля таго, як Малькевіч сустрэўся з ім для перадачы грошай «пад кантролем аператыўнікаў». Падчас вобшуку ў Гарбунова знайшлі гашыш.
Медыяхолдынг «Патрыёт» уключаў у сябе некалькі выданняў, звязаных з бізнэсменам Яўгенам Прыгожыным. Ілья Гарбуноў кіраваў ім з 2019 года, ён адказваў за сетку тэлеграм-каналаў і курыраваў «фабрыку троляў».
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары