Пра гэта Аляксандр Лукашэнка заявіў 20 чэрвеня на сустрэчы са старшынём Следчага камітэта Расіі Аляксандрам Бастрыкіным, які ўручыў медаль у гонар 80-годдзя Вялікай Перамогі.
«Час няпросты, вы гэта лепш за мяне разумееце, адчуваеце, паколькі ўцягнутыя ў многія працэсы. Ва ўсе. Я гляджу, вы і на вызваленых тэрыторыях (найхутчэй маюцца на ўвазе акупаваныя ўкраінскія тэрыторыі. — НН) працу знайшлі (або даручылі вам), немалы кавалак цягнеце. І тэрарыстычныя накіраванасці ў нашых праціўнікаў і ворагаў вельмі сур'ёзныя, і ўсё гэта зноў на вас кладзецца ў плане расследавання тых ці іншых злачынстваў на тэрыторыі Расіі.
Я хачу, каб вы разумелі, што ў гэты няпросты час мы з вамі. Мы не хавалі (адзіная ў свеце дзяржава), што мы з Расіяй. Мы былі, ёсць і будзем заўсёды з вамі. На нас вы можаце разлічваць», — падкрэсліў Лукашэнка.
Каментары
Мы, Беларусы, выступаем за добрыя адносіны з усімі нашымі суседзямі. Але Пуцін, на жаль, не лічыць Беларусь незалежнай краінай, варта яшчэ раз паслухаць яго выступ 21 лютага 2022 года.
Ён, Падл...ка, чакае зручнага моманту, хутка паедзе да Сі, каб атрымаць згоду на "абарону саюзнай дзяржавы". Кожны можа шмат зрабіць для ратавання суверэнітэту. Найпершае– заўсёды чытай і размаўляй на мове!!!