У Польшчы пачынаецца Tutaka. Фестываль праходзіць чатыры дні — з 10 па 13 ліпеня. Брама фэсту адкрылася ў чацвер. А асноўныя мерапрыемствы пачнуцца сёння, піша Most.
У гэтым годзе ў фарміраванні лайн-апа ўпершыню ўдзельнічалі патэнцыйныя гледачы. Апытанку правялі сярод падпісчыкаў у Instagram. За час ініцыятывы арганізатары атрымалі амаль 7 тыс. галасоў
У выніку на галоўнай сцэне выступяць:
11 ліпеня
- Mandzik
- Ilo&Friends
- «Дай дарогу»
12 ліпеня
- Spievy z-pad mosta
- ILI-ILI
- Dzieciuki
- Krambambula
13 ліпеня
- Arhedelic
- Maxim i Oliczka
- NaviBand
Усяго арганізатары абяцаюць 25 музычных канцэртаў, а таксама спектаклі, лекцыі і дыскусіі, майстар-класы і выставы, актыўнасці для дзяцей і шмат іншага. Акрамя таго, будуць працаваць фудкорт і кірмаш рамеснікаў.
Абяцаў наведаць фэст і Сяргей Ціханоўскі.
Падрабязная праграма даступная на сайце Tutaka.
Карысную інфармацыю пра тое, як дабрацца, дзе паесці і паспаць, публікавалі тут.
Фэст праходзіць на 2 гектарах маляўнічага ўрочышча Борык, за 30 км ад Беластока і 20 км ад мяжы з Беларуссю.
-
Памёр украінскі мастак бурацкага паходжання, што стварыў культавыя мультфільмы «Востраў скарбаў» і «Прыгоды капітана Урунгеля»
-
Фанаты Тэйлар Свіфт гадаюць, што значыць кніга пра Шагала, Малевіча і Лісіцкага, заўважаная ў анонсе да яе новага альбома
-
«Вольныя Купалаўцы» перапрацавалі базу даносаў у п’есу. Што яшчэ пакажуць у новым сезоне
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
Каментары