Віцэ-прэзідэнт ЗША выказаўся пра магчымую сустрэчу Пуціна, Зяленскага і Трампа
«Прэзідэнт Злучаных Штатаў павінен быць тым, хто звядзе гэтых двух разам».
Віцэ-прэзідэнт ЗША Джэй Дзі Вэнс расказаў аб падрыхтоўцы перамоў Трампа і Пуціна і магчымай прысутнасці Зяленскага.
У інтэрв'ю Fox News Вэнс адказваў на пытанне, ці не было б лепш, каб Пуцін сустрэўся з Зяленскім перад сустрэчай з Трампам.
«Я не думаю, што гэта будзе настолькі прадуктыўна. Я думаю, што ў прынцыпе, прэзідэнт Злучаных Штатаў павінен быць тым, хто звядзе гэтых двух разам», — падзяліўся ён.
Віцэ-прэзідэнт ЗША лічыць дыпламатычным прарывам будучую сустрэчу Трампа і Пуціна.
«Уладзімір Пуцін сказаў, што ён ніколі не сядзе за стол перамоваў з Зяленскім, цяпер гэта павінна змяніцца, мы цяпер знаходзімся ў кропцы, дзе мы спрабуем высветліць расклад і таму падобныя рэчы, калі гэтыя тры лідары маглі б сесці за стол перамоваў і абмеркаваць спыненне гэтага канфлікту», — адзначыў Вэнс.
Сустрэча Трампа з Пуціным запланаваная на Алясцы на 15 жніўня. Як паведамлялася раней, Пуцін перадаў амерыканцам, што хоча забраць частку тэрыторый Украіны. Зяленскі ў адказ на гэта заявіў, што дарыць сваю зямлю акупанту ўкраінцы не будуць. Еўропа падтрымала адмову Украіны здаваць свае тэрыторыі Пуціну без ягоных саступак.
Дэпутатка, якая рыхтуе прыгажунь для Лукашэнкі, выйшла замуж23
Каментары
Слова абяцанне Трампа??))) ВВПу??)))