У Беларусі амаль скончылі рабіць абгрунтаванне для будаўніцтва другой АЭС
Міністр энергетыкі Беларусі Дзяніс Мароз у інтэрв'ю тэлеканалу АНТ паведаміў, што тэхніка-эканамічнае абгрунтаванне будаўніцтва другой атамнай электрастанцыі ў краіне ўжо амаль гатовае. У найбліжэйшы час вынікі працы прадставяць ураду, а пасля і Лукашэнку.
Дзяніс Мароз нагадаў, што БелАЭС у Астравецкім раёне стала адным з найбуйнейшых праектаў у гісторыі незалежнай Беларусі і цяпер забяспечвае каля 40% патрэбаў краіны ў электраэнергіі. Пры гэтым спажыванне электраэнергіі расце і летась дасягнула рэкорду — 43,2 мільярда кВт·г.
Як лічыць міністр, энергетычная галіна і надалей будзе арыентавацца на атамную энергетыку, бо тэрмін службы БелАЭС складае 60 гадоў з магчымым падаўжэннем яшчэ на 40.
Што да перспектыў, то разглядаюцца два варыянты: будаўніцтва трэцяга энергаблока ў Астраўцы (1200 МВт) або ўзвядзенне новай станцыі на іншай пляцоўцы. У кожнага варыянта ёсць свае плюсы і мінусы, і іх параўнанне ўключана ў абгрунтаванне.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
7 АЭС
Вялікі скачок