У Малдове за два дні да выбараў адхілілі ад іх яшчэ адну прарасійскую партыю
Напярэдадні выбараў у парламент Малдовы, якія адбудуцца 28 верасня, улады краіны адхілілі ад удзелу яшчэ адну прарасійскую палітычную сілу. Гаворка ідзе пра партыю Moldova Mare («Вялікая Малдова»), якой кіруе Вікторыя Фуртунэ.
Цэнтрвыбаркам Малдовы ў пятніцу прыняў рашэнне аб адхіленні «Вялікай Малдовы» ад выбараў, спаслаўшыся на матэрыялы Службы інфармацыі і бяспекі, антыкарупцыйнага цэнтра і паліцыі. Партыю абвінавацілі ў незаконным фінансаванні, атрыманні замежных сродкаў, падкупе выбарцаў і ў тым, што яна фактычна ўдзельнічала ў замаскаваным блоку, звязаным з забароненай у 2023 годзе партыяй «Шор».
Старшыня партыі Вікторыя Фуртунэ летам ужо трапіла пад санкцыі ЕС за сувязі з уцекачом-алігархам Іланам Шорам. Яна назвала дзеянні ЦВК незаконнымі і заявіла пра намер абскардзіць рашэнне.
Раней ЦВК таксама забараніў удзел у выбарах іншай прарасійскай сіле — партыі «Сэрца Малдовы», дзейнасць якой суд абмежаваў на год пасля расследаванняў, звязаных з падкупам выбарцаў, незаконным фінансаваннем і адмываннем грошай.
Такім чынам, з «Патрыятычнага блока» ўжо дзве партыі не дапушчаныя да выбараў.
Прэзідэнтка Малдовы Мая Санду заявіла, што гэтыя выбары — «найважнейшыя ў гісторыі краіны». Захаванне большасці партыяй «Дзеянне і салідарнасць» азначае працяг курсу на еўрапейскую інтэграцыю, а яе страта можа адкрыць шлях да вяртання прарасійскіх сіл.
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»32
Каментары
Што ж тычыцца спробаў нікому раней невядомых шматлікіх партый і кандыдатаў ад Шора кшталту Яўгеніі Гуцул, якія на крамлёўскія грошы раптоўна павыскаквалі у Малдове, які чэрці з табакеркі, то тут з боку спецслужб Малдовы пакуль не было ніводнага факта хлуслівых абвіначаванняў. У адрозненні да лукашэнкаўскага КДБ, які літаральна запэцканы ў хлусні яшчэ з пачатку 2000х. Дарэчы, кандыдаты Шора могуць абскардзіць свае адхіленне ў судзе, які у Малдове, у адрозненні ад кішэнных судоў Лукашэнкі у Беларусі, сапраўды выконвае правасудззе.