Пацярпелых пры надзвычайным здарэнні на «Беларуськаліі» перавезлі ў Мінск
Чатырох супрацоўнікаў «Беларуськалія», пацярпелых пры разрыве ёмістасці з-пад салянай кіслаты, перавезлі ў пятніцу з Салігорскай ЦРБ у гарадскую клінічную бальніцу хуткай медыцынскай дапамогі Мінска і Рэспубліканскі апёкавы цэнтр.
Пацярпелыя — маладая жанчына і трое мужчын. Двум пацыентам правялі аперацыі да перавозкі ў Мінск, паведамляе Мінздароўя.
У пятніцу на 4‑м рудаўпраўленні «Беларуськалія» адбыўся разрыў пустой ёмістасці з-пад салянай кіслаты. Была пашкоджана суседняя ёмістасць з салянай кіслатой, адбылася ўцечка.
У 19:48 наступствы здарэння былі лакалізаваныя. Кіслату перакачвалі ў чыгуначную цыстэрну.
Каментары