«Hermes такога не чакаў». Беларускі знаходзяць у «Галантэі» аналагі сумак люксавых брэндаў за смешныя грошы
Набыць беларускі Birkin можна ўсяго за 340 рублёў. Капейкі ў параўнанні з тым, што за арыгінал просяць ад 9 тысяч даляраў.
У мінскай краме «Галантэя» пакупніцы звярнулі ўвагу на некалькі мадэляў сумачак.
Адна з іх вельмі падобная да сусветна знакамітай Birkin ад люксавага брэнда Hermes.
Дарэчы, арыгінальную сумку не вельмі проста набыць, нават калі ў цябе ёсць лішнія 9 тысяч даляраў (і гэта за самы танны з варыянтаў).
Бо, па-першае, Hermes робіць абмежаваную колькасць Birkin штогод — кожны экзэмпляр шыецца ўручную майстрам. Па-другое, у люксавых буціках гэтая сумка не стаіць проста на паліцы — яе могуць вынесці выключна для сталага пакупніка. А могуць і не вынесці, напрыклад, калі чалавек раней купляў Hermes у Італіі, а цяпер хоча ў Францыі.
Выбраць колер Birkin таксама немагчыма — трэба браць, што даюць. Менавіта праз такі штучна створаны ажыятаж гэтую мадэль называюць самай жаданай сумкай у свеце.
Кожны год Birkin становяцца толькі больш дарагімі — нехта нават разглядае гэтыя сумкі як варыянт для інвестыцый. Самая дарагая была прададзена на аўкцыёне за 8,6 мільёна еўра.
«Галантэя» на такую элітарнасць не прэтэндуе і гатовая прадаваць свае сумкі ўсім ахвотным у любым колеры. Цана — 339‑430 рублёў.
Бізнэс-кансультантка і блогерка Надзея Лалеманд бюджэтны варыянт люксавай сумачкі ацаніла.
— Швы падкачалі дзе-нідзе знутры. Звонку ўсё ідэальна. Скуру яны выбралі вельмі выдатную.
Больш за тое: «Галантэя» зрабіла аналаг люксавай сумкі з замшы (такога варыянта Birkin у Hermes не існуе). Такі Надзея і набыла.
Раней іншая беларуская стылістка і фатографка Ірына Камыш распавяла ў Treads, што пабачыла ў «Галантэі» аналаг сумкі Le Teckel люксавага моднага дома Alaïa.
Назва сумкі ў перакладзе з французскай абазначае «такса». Гэта лагічна, бо падоўжаны корпус сапраўды яе нагадвае.
Ірына была вельмі здзіўлена тым фактам, што прадаўцы ў краме «Галантэі» не ведаюць пра люксавую «сястру» іх сумачкі.
У каментарыях шмат хто раскрытыкаваў ідэю купіць бюджэтны аналаг. Але Ірына з такім меркаваннем не пагадзілася:
— Радуйцеся, вы можаце купіць сабе сумку падобнага дызайну, якую клапатліва пашыла для вас «Галантэя» за 222 рублі замест 2600 даляраў. Рэпліка — гэта не падробка, гэта аналаг, адаптаваны дызайн і нічога дрэннага ў гэтым няма.
Фермер-хіпстар вырашыў прадаваць касцюмы з гербамі Беларусі і Расіі. Цэны касмічныя
Жонка і падчарка Аляксандра Глеба запусцілі ўласны брэнд жаночага адзення. Будуць канкураваць са сваячкай
Жанчына набыла спартыўны касцюм беларускага брэнду за 600 рублёў і ў шоку ад якасці
Нятаннае паліто беларускага брэнду сапсавалася за 20 хвілін праз вільготнасць на вуліцы
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Вспомнилась классика: "Ничто так не выдает принадлежность человека к низшим классам общества, как способность разбираться в дорогих часах и автомобилях"
Продавцам Галантеи респект.