Жонка і падчарка Аляксандра Глеба запусцілі ўласны брэнд жаночага адзення. Будуць канкураваць са сваячкай
Папулярная блогерка Святлана Глеб разам з дачкой Настассяй (яна таксама блогерка) расказалі, што нарэшце ажыццявілі мару. Абяцаюць дапамагчы жанчынам выглядаць шыкоўна ў любым веку.
Настасся Клімовіч — гэта дачка Святланы Глеб і падчарка славутага экс-футбаліста Аляксандра Глеба. Як і маці, Настасся вядзе блог у інстаграме. Яна таксама выйшла замуж за футбаліста — яе абранікам стаў Уладзіслаў Клімовіч, які вярнуўся ў жодзінскі «Тарпеда-БелАЗ», а раней гуляў у чэмпіянаце Венгрыі. Праз гэта Настасся з сынам жылі на дзве краіны — Беларусь і Венгрыю.
Цяпер яна прызналася падпісчыкам у інстаграме, што даўно марыла стварыць уласны брэнд адзення — і нарэшце вырашыла зрабіць гэта разам з мамай. Кажа, хочуць ствараць стылёвую вопратку для жанчын любога ўзросту.
Святлана Глеб ідэю падтрымала. Назву брэнду далі французскую — Le Chik («шык»). Цяпер жанчыны закупляюць тканіну ды фурнітуру. Першая рэч ужо адшыта — гэта пінжак. Менавіта ён і першым з'явіцца ў продажы.
На будучыню абяцаюць дастаўку вопраткі брэнду па Беларусі і Расіі.
За некалькі дзён на акаўнт брэнда ўжо падпісалася 10 тысяч чалавек.
Цікава, што свой брэнд адзення даўно мае жонка экс-футбаліста Вячаслава Глеба, брата Аляксандра. Таму канкурыраваць прыйдзецца са сваячкай — блогеркай Вольгай Глеб і яе дзецішчам Moshe.
Уладальніца беларускага брэнду жаночага адзення Moshe здзівілася шалёным цэнам канкурэнтаў
Конь і «Джылі» на подыуме: у Мінску прайшло моднае шоу, дзе гасцей прасілі адзецца па дрэс-кодзе
Колькі ў Беларусі каштуюць табі — модны абутак, які шмат у каго асацыюецца з капытамі
Беларускі брэнд прадае чэпчыкі і пінжакі з пупырыстага поліэтылену
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі10
Каментары
Ну давайте, следующий шаг - звезды Онлифанс!