«Hermes takoha nie čakaŭ». Biełaruski znachodziać u «Hałantei» anałahi sumak luksavych brendaŭ za śmiešnyja hrošy
Nabyć biełaruski Birkin možna ŭsiaho za 340 rubloŭ. Kapiejki ŭ paraŭnańni z tym, što za aryhinał prosiać ad 9 tysiač dalaraŭ.
U minskaj kramie «Hałanteja» pakupnicy źviarnuli ŭvahu na niekalki madelaŭ sumačak.
Adna ź ich vielmi padobnaja da suśvietna znakamitaj Birkin ad luksavaha brenda Hermes.
Darečy, aryhinalnuju sumku nie vielmi prosta nabyć, navat kali ŭ ciabie jość lišnija 9 tysiač dalaraŭ (i heta za samy tanny z varyjantaŭ).
Bo, pa-pieršaje, Hermes robić abmiežavanuju kolkaść Birkin štohod — kožny ekzemplar šyjecca ŭručnuju majstram. Pa-druhoje, u luksavych bucikach hetaja sumka nie staić prosta na palicy — jaje mohuć vynieści vyklučna dla stałaha pakupnika. A mohuć i nie vynieści, naprykład, kali čałaviek raniej kuplaŭ Hermes u Italii, a ciapier choča ŭ Francyi.
Vybrać koler Birkin taksama niemahčyma — treba brać, što dajuć. Mienavita praz taki štučna stvorany ažyjataž hetuju madel nazyvajuć samaj žadanaj sumkaj u śviecie.
Kožny hod Birkin stanoviacca tolki bolš darahimi — niechta navat razhladaje hetyja sumki jak varyjant dla inviestycyj. Samaja darahaja była pradadziena na aŭkcyjonie za 8,6 miljona jeŭra.
«Hałanteja» na takuju elitarnaść nie pretenduje i hatovaja pradavać svaje sumki ŭsim achvotnym u lubym kolery. Cana — 339‑430 rubloŭ.
Biznes-kansultantka i błohierka Nadzieja Łalemand biudžetny varyjant luksavaj sumački acaniła.
— Švy padkačali dzie-nidzie znutry. Zvonku ŭsio idealna. Skuru jany vybrali vielmi vydatnuju.
Bolš za toje: «Hałanteja» zrabiła anałah luksavaj sumki z zamšy (takoha varyjanta Birkin u Hermes nie isnuje). Taki Nadzieja i nabyła.
Raniej inšaja biełaruskaja stylistka i fatohrafka Iryna Kamyš raspaviała ŭ Treads, što pabačyła ŭ «Hałantei» anałah sumki Le Teckel luksavaha modnaha doma Alaïa.
Nazva sumki ŭ pierakładzie z francuzskaj abaznačaje «taksa». Heta łahična, bo padoŭžany korpus sapraŭdy jaje nahadvaje.
Iryna była vielmi ździŭlena tym faktam, što pradaŭcy ŭ kramie «Hałantei» nie viedajuć pra luksavuju «siastru» ich sumački.
U kamientaryjach šmat chto raskrytykavaŭ ideju kupić biudžetny anałah. Ale Iryna z takim mierkavańniem nie pahadziłasia:
— Radujciesia, vy možacie kupić sabie sumku padobnaha dyzajnu, jakuju kłapatliva pašyła dla vas «Hałanteja» za 222 rubli zamiest 2600 dalaraŭ. Replika — heta nie padrobka, heta anałah, adaptavany dyzajn i ničoha drennaha ŭ hetym niama.
Fiermier-chipstar vyrašyŭ pradavać kaściumy z hierbami Biełarusi i Rasii. Ceny kaśmičnyja
Žonka i padčarka Alaksandra Hleba zapuścili ŭłasny brend žanočaha adzieńnia. Buduć kankuravać sa svajačkaj
Žančyna nabyła spartyŭny kaścium biełaruskaha brendu za 600 rubloŭ i ŭ šoku ad jakaści
Niatannaje palito biełaruskaha brendu sapsavałasia za 20 chvilin praź vilhotnaść na vulicy
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary
Vspomniłaś kłaśsika: "Ničto tak nie vydajet prinadležnosť čiełovieka k nizšim kłassam obŝiestva, kak sposobnosť raźbiraťsia v dorohich časach i avtomobilach"
Prodavcam Hałantiei rieśpiekt.