Кіно66

Выходзіць фінал культавага серыяла «Вельмі дзіўныя справы». Гледачы абрынулі Netflix

Netflix прадставіў апошні сезон знакамітага серыяла «Вельмі дзіўныя справы» (Stranger Things). Першыя чатыры серыі ўжо выйшлі на стрымінгу — крытыкі і гледачы задаволеныя.

Фота: кадр з тызера

«Вельмі дзіўныя справы» — гэта і дэтэктыўная драма, і серыял з элементамі жахаў ды фантастыкі. Яго дзеянне адбываецца ў 1980‑я ў выдуманым амерыканскім мястэчку Хоўкінс. Недалёка ад яго знаходзіцца лабараторыя, дзе ладзяць эксперыменты з паранармальнымі з’явамі і выпадкова адкрываюць партал у паралельны сусвет — Ізнанку. Той сусвет пачынае ўплываць на жыхароў Хоўкінса, якія пра тую лабараторыю нічога не ведаюць.

Цяпер выходзіць пяты і апошні сезон серыяла. 26 лістапада на Netflix паказалі першыя чатыры серыі, а 25 снежня, на Каляды, можна будзе пабачыць яшчэ тры выпускі. Двухгадзінны фінал сезона і ўсяго серыяла чакаем 31 снежня.

Фота: кадр з тызера

Ужо першых чатырох серый сезона хапіла, каб абрынуць Netflix — і гэта пры тым, што перад прэм’ерай прапускную здольнасць сэрвісу спецыяльна павялічылі на 30%. Гледачы з Індыі і ЗША кінуліся скардзіцца ў сацсетках на збоі ў працы платформы.

Што да водгукаў, яны цалкам прыстойныя. Крытыкі адзначаюць, што ў новым сезоне праект захоўвае рэдкую здольнасць быць прыцягальным для гледачоў розных узростаў, застаецца арыгінальным і не горшым за мінулыя сезоны. А простыя фанаты не шкадуюць для праекта добрых водгукаў: напрыклад, на партале Rotten Tomatoes пяты сезон «Вельмі дзіўных спраў» мае салідныя 92% ухвалення ад гледачоў.

Фота: кадр з тызера

І гэта не дзіва, калі ўлічыць, колькі працы і грошай укладзена ў пяты сезон. Рабілі яго тры гады, а кожная з васьмі серый каштуе ненармальныя 50‑60 мільёнаў даляраў, то-бок бюджэт усяго сезона складае 400‑480 мільёнаў даляраў. Дастаткова, каб зняць некалькі высокабюджэтных блакбастараў. Адна з запрошаных зорак — Лінда Гамільтан, яна ж Сара Конар з першых стужак франшызы пра «Тэрмінатара».

Фота: кадр з тызера

Ацаніць у поўнай меры, што атрымалася, мы зможам ужо хутка.

«Наша Нiва» — бастыён беларушчыны

ПАДТРЫМАЦЬ

Каментары6

  • Это подробка
    28.11.2025
    Друг, это не она, её подменили. Скорее во время съемок случился несчастный случай и она выпала из кино, но так как телемагнаты не любят терять бабки, то они нашли похожую тётку и тяп-ляп гримом и продали её нам - потребителями. Кстати, не заслужено дорого.
  • Дада
    28.11.2025
    Это подробка, дада, я знаю, мозг отказывается верить. Про Аврил Лавин тоже есть такая теория, что вот эта тетя с большой попой, которая сейчас прыгает по сцене и выглядит так, как будто съела милашку нашу Аврил - это не она. Увы, увы, реальность прозаичнее. Не все в мире взрослеет как хорошее вино.
  • Самы чэсны
    28.11.2025
    Нешта серыял напаткала тыповая хвароба доўгіх серыялаў. Незразумела, што, навошта і чаму. Не хачу спойлерыць, але 1 серыя не зайшла.

Цяпер чытаюць

У беларускія пашпарты будуць упісваць групу крыві11

У беларускія пашпарты будуць упісваць групу крыві

Усе навіны →
Усе навіны

Уначы быў закрыты аэрапорт у Вільні 

Міліцыя, БТ і тысячы ботаў. Даследчыкі раскрылі, хто і як маніпулюе беларускім тыктокам18

Трамп ануляваў большасць дакументаў, падпісаных Джо Байдэнам11

Да 2100 года палова сусветных пляжаў можа знікнуць3

Памілаваны і дэпартаваны ўкраінец Катовіч расказаў, за якую абразу на яго пакрыўдзіўся Лукашэнка8

У Чорным моры гараць ужо два танкеры з расійскага ценявога флоту12

З «памілаванага» ксяндза Генрыха Акалатовіча хочуць спагнаць вялізны штраф6

Уіткаф даедзе да Пуціна ў першай палове наступнага тыдня4

Каля берагоў Турцыі загарэўся танкер ценявога флоту Расіі1

больш чытаных навін
больш лайканых навін

У беларускія пашпарты будуць упісваць групу крыві11

У беларускія пашпарты будуць упісваць групу крыві

Галоўнае
Усе навіны →

Заўвага:

 

 

 

 

Закрыць Паведаміць