У беларускіх крамах з’явілася марожанае са смакам дранікаў. Спадабалася не ўсім
У беларускіх крамах цяпер прадаецца пламбір «Бульбяны дранік з водарам ванілі» — незвычайнае спалучэнне салодкага дэсерту і традыцыйнай беларускай стравы. Навінка ўжо выклікала спрэчкі ў сацсетках.
Раней гэты прадукт выходзіў абмежаванай серыяй, але цяпер яго выпуск наладзіў сталічны вытворца.
Упершыню незвычайны смак быў прадстаўлены летам 2025 года пад брэндам Milk Republic. Тады марожанае выпусцілі абмежаванай серыяй у рэгіёнах, дзе кампанія толькі распачынала працу. Вытворца заяўляў: калі навінка спадабаецца пакупнікам, яе зробяць пастаяннай.
Цяпер правы на выпуск выкупіў Мінскі холадакамбінат №2. Паводле водгукаў блогераў, марожанае мае саланаваты прысмак з ноткамі цыбулі і cкварак, што сапраўды нагадвае традыцыйны дранік. Сам пламбір — салодкі і сметанковы, а «дранікавы» водар найперш адчуваецца ў вафельнай частцы.
Аднак рэакцыя пакупнікоў неадназначная. Яны адзначаюць:
«У прынцыпе звычайны пламбір, але калі адкрываеш упакоўку, адчуваеш пах дранікаў. Уся «дранікавасць» у вафлі — спалучэнне салодкага і салёнага. Мне не спадабалася».
Карыстальнікі трэдс пераважна паставіліся да навінкі крытычна. «Не рызыкну. Лепш з’ем дранік», — адзначае карыстальнік. Але пакаштаваць новы смак хочуць многія.
У «Кароне» марожанае каштуе 2,21 рубля, у «Еўраопце» — 2,29 рубля.
Раней Мінскі холадакамбінат №2 ужо эксперыментаваў з незвычайнымі смакамі — выпускаў навагодняе марожанае з імбірным пернікам і са смакам вішнёвага глінтвейну.
Ці прыжывецца марожанае з дранікамі, пакажа попыт. Пакуль жа беларусам прапануюць выбар: з’есці гэтую страву гарачай альбо халоднай.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары
- Мы создали гибрид дыни, напоминающий мужской орган.
- по форме?
- нет. По вкусу.