Сталкер Ганны Бонд прыматаў да яе машыны цацку з чырвона-зялёным сцяжком
Здымаць сюрпрыз блогерка выклікала міліцыю.
Ганна Бонд скардзіцца на сталкера не першы год — з’явіўся той яшчэ ў 2022-м. Яна звярталася па дапамогу ў міліцыю, але сталкер не знік. Больш за тое: цяпер мужчына пашырыў геаграфію пераследу блогеркі.
На 8 Сакавіка ён пакінуў Ганне сюрпрыз, прыматаўшы металічным ланцужком яго да ручкі аўтамабіля блогеркі. На відэа можна пабачыць, што ў цэлафанавым пакеце на нейкай скрыні сядзіць мяккая цацка (імаверна сабачка) з чырвона-зялёным сцяжком.
Ганна выклікала міліцыю — тыя адмотвалі прэзент. А пасля напісала заяву. Кажа, што ў мясцовым РУУС сітуацыі здзіўлены, бо такі выпадак упершыню на раёне.
Блогерка лічыць, што сталкеру патрэбна дапамога медыкаў.
Як змагацца з дакучлівым мужчынам, Ганна не вельмі разумее, бо афіцыйна зрабіць нешта не атрымоўваецца. Яна просіць падпісчыкаў дасылаць ёй фота і відэа яе сталкера, калі яны пабачылі яго недзе — каб прыкладаць гэта да чарговай заявы ў міліцыю.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары