«Камера настолькі крутая, што можна ўбачыць мадэль тэлефона». Кіроўцы расказваюць, як ДАІ адсачыла іх з тэлефонам за стырном

Нядаўна ў Мінску адбыўся рэйд, падчас якога ДАІ палявала якраз на кіроўцаў з тэлефонамі.

Кіраўнік шоу казачай песні і танца «Маме падабаецца» Мікола Кірчанка распавёў у тыктоку, што атрымаў папярэджанне праз тое, што камеры зафіксавалі яго з гаджэтам за рулём:

— Разрозненне камер настолькі крутое, што можна ўбачыць не толькі мадэль тэлефона, але і наколькі якасна зроблены манікюр. Таму будзьце ўважлівыя і асцярожныя, беларусы. Бачаць усіх.

У каментарах ён тлумачыць, што праз некаторы час пасля таго, як парушэнне трапіла на камеры, яго спыніла ДАІ. Відэа Міколе прадэманстравалі.

@kazakshow_mamenravitsya #беларусь #новостибеларуси #концерты #чпбеларусь #гаи ♬ оригинальный звук - Mame_nravitsa

У аналагічную сітуацыю трапіў і фатограф Дзмітрый Наўгародскі. Яму з ДАІ патэлефанавалі: сказалі, што маюць здымак, на якім бачна, што мужчына падчас руху размаўляе па тэлефоне.

Кіроўца планаваў апраўдацца фразамі кшталту: «Дык можа я проста трымаў тэлефон. Яшчэ трэба даказаць, што я размаўляў, а не проста вуха часаў».

— А яны мне паказваюць пункт 10.4 правіл, якія набылі моц з верасня 2025 года, што любое ўзаемадзеянне з тэлефонам — гэта ўжо адміністрацыйнае правапарушэнне.

@novgorodskiy_ph На трогайте телефон в машине #пдд #ктоэтопридумал ♬ оригинальный звук - Дмитрий Новгородский

Дзмітрыю растлумачылі: нават калі тэлефон будзе проста знаходзіцца на панэлі і кіроўца да яго дакранецца — гэта ўжо будзе лічыцца правапарушэннем.

— Атрымліваецца, я магу дакранацца да аварыйкі, любых кнопачак аўтамабіля. Але калі да тэлефона — гэта ўжо адміністрацыйнае правапарушэнне.

У каментарах некаторыя людзі абураюцца — маўляў, што рабіць, калі выкарыстоўваеш тэлефон як навігатар. Асабліва складана, канешне, кур’ерам ці таксістам.

Хтосьці цікавіцца, чым жа лепшыя сучасныя аўтамабілі з вялікімі сэнсарнымі экранамі.

Але ДАІ лічыць, што ўзаемадзеянне з тэлефонам нясе небяспеку для ўсіх удзельнікаў руху. Для навігатараў выключэнняў няма.

«Згодна з ПДР кіроўцам забаронена карыстацца прыладамі сувязі, калі для гэтага неабходна трымаць іх у руцэ або ўздзейнічаць на іх рукой. Нават выкарыстанне hands-free не выключае цалкам рызыкі страты канцэнтрацыі», — адзначае ДАІ.

Штраф за парушэнне можа скласці да 2 базавых велічынь (90 беларускіх рублёў). Калі гэта паўторнае парушэнне на працягу года, то штраф узрастае да васьмі базавых велічынь (360 беларускіх рублёў).

@gai_belarus Телефон за рулем = опасность для движения С 11 по 14 марта Госавтоинспекция проводит республиканскую профилактическую акцию "Отключи телефон - включи безопасность!" Отвлечение от управления транспортным средством и пользование телефоном за рулем является причиной совершения дорожно-транспортных происшествий, в том числе с тяжкими последствиями. ❗️Водителю запрещается пользоваться во время движения аппаратом радио- и телефонной связи, иными не предусмотренными конструкцией транспортного средства устройствами, если для этого необходимо держать их в руке либо воздействовать на них рукой #гаи #телефон #безопасность #милициябеларуси #пдд ♬ оригинальный звук - ГАИ Беларуси

• 2
• 0
• 1
• 13
• 0
• 1
• 5
• 0