«Kamiera nastolki krutaja, što možna ŭbačyć madel telefona». Kiroŭcy raskazvajuć, jak DAI adsačyła ich z telefonam za styrnom

Niadaŭna ŭ Minsku adbyŭsia rejd, padčas jakoha DAI palavała jakraz na kiroŭcaŭ z telefonami.

Kiraŭnik šou kazačaj pieśni i tanca «Mamie padabajecca» Mikoła Kirčanka raspavioŭ u tyktoku, što atrymaŭ papiaredžańnie praz toje, što kamiery zafiksavali jaho z hadžetam za rulom:

— Razroźnieńnie kamier nastolki krutoje, što možna ŭbačyć nie tolki madel telefona, ale i nakolki jakasna zrobleny manikiur. Tamu budźcie ŭvažlivyja i aściarožnyja, biełarusy. Bačać usich.

U kamientarach jon tłumačyć, što praź niekatory čas paśla taho, jak parušeńnie trapiła na kamiery, jaho spyniła DAI. Videa Mikole prademanstravali.

@kazakshow_mamenravitsya #biełaruś #novostibiełarusi #koncierty #čpbiełaruś #hai ♬ orihinalnyj zvuk - Mame_nravitsa

U anałahičnuju situacyju trapiŭ i fatohraf Dźmitryj Naŭharodski. Jamu z DAI patelefanavali: skazali, što majuć zdymak, na jakim bačna, što mužčyna padčas ruchu razmaŭlaje pa telefonie.

Kiroŭca płanavaŭ apraŭdacca frazami kštałtu: «Dyk moža ja prosta trymaŭ telefon. Jašče treba dakazać, što ja razmaŭlaŭ, a nie prosta vucha časaŭ».

— A jany mnie pakazvajuć punkt 10.4 pravił, jakija nabyli moc ź vieraśnia 2025 hoda, što luboje ŭzajemadziejańnie z telefonam — heta ŭžo administracyjnaje pravaparušeńnie.

@novgorodskiy_ph Na trohajtie tielefon v mašinie #pdd #ktoetopridumał ♬ orihinalnyj zvuk - Dmitrij Novhorodskij

Dźmitryju rastłumačyli: navat kali telefon budzie prosta znachodzicca na paneli i kiroŭca da jaho dakraniecca — heta ŭžo budzie ličycca pravaparušeńniem.

— Atrymlivajecca, ja mahu dakranacca da avaryjki, lubych knopačak aŭtamabila. Ale kali da telefona — heta ŭžo administracyjnaje pravaparušeńnie.

U kamientarach niekatoryja ludzi aburajucca — maŭlaŭ, što rabić, kali vykarystoŭvaješ telefon jak navihatar. Asabliva składana, kaniešnie, kurjeram ci taksistam.

Chtości cikavicca, čym ža lepšyja sučasnyja aŭtamabili ź vialikimi sensarnymi ekranami.

Ale DAI ličyć, što ŭzajemadziejańnie z telefonam niasie niebiaśpieku dla ŭsich udzielnikaŭ ruchu. Dla navihataraŭ vyklučeńniaŭ niama.

«Zhodna z PDR kiroŭcam zabaroniena karystacca pryładami suviazi, kali dla hetaha nieabchodna trymać ich u ruce abo ŭździejničać na ich rukoj. Navat vykarystańnie hands-free nie vyklučaje całkam ryzyki straty kancentracyi», — adznačaje DAI.

Štraf za parušeńnie moža skłaści da 2 bazavych vieličyń (90 biełaruskich rubloŭ). Kali heta paŭtornaje parušeńnie na praciahu hoda, to štraf uzrastaje da vaśmi bazavych vieličyń (360 biełaruskich rubloŭ).

@gai_belarus Tielefon za rulem = opasnosť dla dvižienija S 11 po 14 marta Hosavtoinśpiekcija provodit riespublikanskuju profiłaktičieskuju akciju "Otkluči tielefon - vkluči biezopasnosť!" Otvlečienije ot upravlenija transportnym sriedstvom i polzovanije tielefonom za rulem javlajetsia pričinoj sovieršienija dorožno-transportnych proisšiestvij, v tom čiśle s tiažkimi pośledstvijami. ❗️Voditielu zaprieŝajetsia polzovaťsia vo vriemia dvižienija apparatom radio- i tielefonnoj śviazi, inymi nie priedusmotriennymi konstrukcijej transportnoho sriedstva ustrojstvami, jeśli dla etoho nieobchodimo dieržať ich v rukie libo vozdiejstvovať na nich rukoj #hai #tielefon #biezopasnosť #milicijabiełarusi #pdd ♬ orihinalnyj zvuk - HAI Biełarusi

• 2
• 0
• 1
• 13
• 0
• 1
• 5
• 0