Раздзяляльныя палосы галоўных магістраляў Мінска ўпрыгожылі восем тысяч скрыняў з віёламі
Віёла, або браткі, устойлівыя да неспрыяльных пагодных умоў і пераносіць кароткачасовыя замаразкі.
Сталічныя азеляніцелі ўсталявалі 8 000 скрыняў з віёламі на раздзяляльных палосах галоўных магістраляў Мінска. Квітнеючыя расліны ўжо пачалі высаджваць і ў цэнтры горада, распавяла карэспандэнту «Мінск-Навінаў» намесніца генеральнага дырэктара па добраўпарадкаванні і ўтрыманні аб’ектаў зялёнай гаспадаркі «Мінскзелянбуда» Кацярына Кароткіна.
— За тры дні, з 9 па 11 красавіка, мы ўпрыгожылі кветкамі ў скрынях праспекты Пераможцаў, Дзяржынскага і Партызанскі, вуліцы Прытыцкага і Арлоўскую. З мінулага тыдня робім кветнік з віёлы на праспекце Незалежнасці — ад вуліцы Янкі Купалы да плошчы Перамогі. Зараз высаджваем гэтыя расліны і ў вазы на транспартнай развязцы скрыжавання вуліцы Арлоўскай і праспекта Пераможцаў, — патлумачыла намесніца гендырэктара.
Віёла, або браткі, устойлівыя да неспрыяльных пагодных умоў і пераносіць кароткачасовыя замаразкі. У 2025 годзе яна выдатна зарэкамендавала сябе на праспекце Пераможцаў, а сёлета ўпрыгожыць каркасныя вуліцы ў кожным раёне сталіцы.
— Пасля 9 мая, у залежнасці ад надвор’я, пачнём масава высаджваць аднагадовыя кветкавыя расліны. Завяршыць гэту працу плануем да 3 ліпеня, — удакладніла Кацярына Кароткіна.
-
Пасольства Польшчы ў Мінску змяняе правілы прыёму дакументаў на карту паляка
-
Славенія заплаціць беларусу амаль 100 тысяч еўра за тое, што на яго навялі пісталет пры затрыманні, а пасля пратрымалі год за кратамі
-
«Пагроза бяспецы калег». Зазулінская патлумачыла, чаму ў «Еўрапейскім выбары» перасталі давяраць Мамаевай
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары