У сацсетках абмяркоўваюць відэа з аквапарка «Фрыстайл», якое размясціў адзін з інстаграм-паблікаў. Публікацыя выклікала грамадскі рэзананс — тое, што ўбачылі людзі, іх уразіла, піша Onliner.by.
У апісанні да роліка сказана, што ў аквапарку адпачывала сям’я. Брат і сястра сцвярджаюць, што пасля спуску з горкі яны атрымалі траўму і звярнуліся ў медпункт для апрацоўкі раны. Далей сям’я вырашыла адпачыць у кафэ, але і там, па словах аўтараў роліка, іх чакаў сюрпрыз: усе столікі былі не прыбраныя.
Падымаючыся па лесвіцы, сям’я заўважыла пляму крыві непасрэдна на прыступках, якую доўга не прыбіралі. Пасля адпачынку наведвальнікі звярнуліся на рэцэпцыю, каб напісаць скаргу і папрасіць вярнуць грошы, аднак, па іх словах, вяртанне сродкаў аформлена не было.
Аквапарк «Фрыстайл» пракаментаваў сітуацыю ў сваіх сацсетках: «Рэзанансны відэаролік «Шок у аквапарку «Фрыстайл» узяты на кантроль кіраўніцтвам Цэнтра. Па кожным факце праводзіцца праверка. Сачыце за нашымі навінамі».
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары