Расіяніну, які п'яным пабіўся з ахоўнікамі мінскага метро, вынеслі лагодны прысуд
Вы будзеце здзіўленыя ягонай мяккасці.
У канцы красавіка ў сацсетках завірусілася відэа, як ахоўнікі скручваюць пасажыра проста на пероне станцыі «Каменная горка». Відавочцы пісалі, што перад гэтым мужчына, які аказаўся турыстам са Смаленска, бегаў па вагонах, спрабаваў біцца з аховай і нават ударыў сваю маленькую дачку.
Прычынай канфлікту стала тое, што пасажыру з відавочнымі прыкметамі алкагольнага ап'янення, забаранілі ў праходзе на станцыю, але той змог прарвацца да вагонаў.
У выніку 28‑гадовага грамадзяніна Расіі асудзілі за гвалт у дачыненні да работнікаў службы аховы Мінскага метрапалітэна. Пракуратура Фрунзенскага раёна паведаміла больш падрабязнасцей красавіцкага здарэння.
Пасля таго, як пасажыра з жонкай і маленькай дачкой не пусцілі ў метро, яны падняліся наверх, каб выклікаць таксі. Але турыстаў не задаволіў час чакання машыны, і каб не спазніцца на вакзал, яны паспрабавалі яшчэ раз прарвацца ў падземку.
Ужо на пероне сям'ю спыніў ахоўнік і нагадаў, што п'яным нельга ездзіць на метро. У выніку мужчына штурхнуў інспектара і пабег у бок цягніка. Але, на яго няшчасце, гэта быў састаў, які прывёз пасажыраў на канцавую станцыю.
У выніку расіянін з сям'ёй пачаў уцякаць па вагонах ад ахоўнікаў, а затым ударыў аднаго з іх па твары. Усё скончылася затрыманнем і крымінальнай справай.
Аднак прысуд беларускага суда ў дачыненні да госця з Расіі аказаўся надзвычай мяккім. Яму прысудзілі тры месяцы арышту і 1000 рублёў кампенсацыі маральнай шкоды аднаму з пацярпелых ахоўнікаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Ганьба таким судилищам