23 ліпеня 2026 года гарадская варта ў польскім Пясэчне, што ў Мазавецкім ваяводстве, атрымала паведамленне пра незвычайны выпадак: у адзін з дамоў у мясцовасці Вулька Казадаўская праз адчыненае акно пралез спалоханы лось, піша Onet.pl.
Паколькі перапалоханая жывёліна магла ўяўляць небяспеку для жыхароў дома, да аперацыі далучыліся спецыялісты аддзела крызіснага кіравання, цывільнай абароны і пажарнай бяспекі мэрыі Пясэчна, а таксама арганізацыя SRS Animal Rescue Poland. На месцы таксама працавалі супрацоўнікі гарадской паліцыі.
Галоўнай задачай было бяспечна вывесці лася з будынка. Службы стварылі ўмовы, каб жывёліна магла самастойна пакінуць дом. У выніку лось, які трапіў у памяшканне ў стане панікі, сам выйшаў на волю.
Падчас знаходжання ў доме жывёліна часткова пашкодзіла мэблю, але ніхто з людзей не пацярпеў.
Супрацоўнікі гарадской паліцыі адзначылі, што лось, верагодна, мог быць раней напалоханы — напрыклад, сабакам, які бег без кантролю ў лесе або каля лясных тэрыторый. Яны нагадалі ўладальнікам сабак, што нават на адкрытых тэрыторыях гадаванцы павінны знаходзіцца пад поўным кантролем.
Спалоханыя дзікія жывёлы могуць паводзіць сябе непрадказальна і быць небяспечнымі як для людзей, так і для саміх сябе.
Уладальнік аршанскай кавярні трапіў у страшную аварыю з ласём — тыдзень ляжаў у рэанімацыі і нічога не памятаў пра тое
У Брэст прыблукаў малады лось ВІДЭА
На трасе пад Смалявічамі быў заўважаны вельмі выхаваны лось ВІДЭА
На Лідчыне лось праплыў па возеры каля самай ратавальнай станцыі ВІДЭА
Лось ноччу зайшоў у цэх прадпрыемства пад Магілёвам, пафоткаўся і сышоў
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі1
Каментары