Калі Лукашэнка верне выдачу пашпартоў беларусам за мяжой? Версіі аналітыкаў
Калі дыялог скончыцца па тэрміновых пытаннях — палітвязні і міграцыйны крызіс, — то далей можа пайсці пытанне рэпрэсій, лічыць Арцём Шрайбман.
Ці вернуць выдачу пашпартоў беларусам за мяжой праз амбасады? Пра гэта разважалі ў ютуб-перадачы «Гадзіннічак цікае».
Эканаміст Леў Львоўскі думае, што шансы ёсць. Але пакуль на першым плане ў дэмакратычных сіл задача выцягнуць палітзняволеных з турмаў.
«Можна сабе ўявіць, што ў нейкі момант пачатку дыялогу з Еўропай ці канца дыялогу з Амерыкай, разам з пераадкрыццём пасольстваў у Беларусі і дазволам вяртання консулаў у беларускія пасольствы за мяжой, такую меру могуць паставіць умовай», — кажа ён.
Аналітык Арцём Шрайбман мяркуе, што дэмсілы не могуць уплываць на тое, якія пытанні ставіць на парадак дня. Але згодны са Львоўскім.
«Думаю, калі дыялог скончыцца па тэрміновых пытаннях — палітвязні і міграцыйны крызіс (для суседзяў Беларусі, Латвіі і Літвы застаецца пытаннем першай чаргі), — то далей можа пайсці пытанне рэпрэсій. І, канечне, гэтую рэпрэсіўную меру найбольш лагічна патрабаваць адмяніць, таму што яна стварае праблемы і краінам, дзе знаходзяцца беларусы», — лічыць Шрайбман.
Але калі адмяняць забарону, што беларускія ўлады за гэта атрымаюць, задаецца пытаннем вядучая Яўгенія Сугак. Яна разважае, што на месцы беларускіх уладаў увяла б конскую цану на пашпарт, аформлены за мяжой, — умоўна 300 еўра.
-
Статкевіч: Каго не ўдалося запалохаць да сталага ўзросту, таго ўжо не запалохаеш
-
«Для нас, БНФ, вылучэнне Шушкевіча было нажом у спіну». Навумчык і Статкевіч высвятляюць ролю Беларускага згуртавання вайскоўцаў
-
Ігар Карней: Будзе каманда — зробяць усё, каб і з годам трымаць у закладніках хоць пяцігодку, хоць болей
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі22
Каментары