Беларуская сям'я 10 гадоў не магла знайсці схаваную заначку. Грошы ўвесь гэты час ляжалі ў печы
Беларуская сям'я знайшла слоік, у якім было схавана 9 мільёнаў недэнамінаваных беларускіх рублёў. Відэа з падлікам банкнот у TikTok выклала дзяўчына Насця, ролік яна назвала «Знайшлі 9 000 000 рублёў 10 гадоў праз», заўважыў Myfin.
«Ох, зажылі б, новую машыну купілі б з салона», — кажа дзяўчына на відэа.
У каментарах яна ўдакладняе, што слоік з грашыма знайшлі ў печы.
Нашли клад 9.000000 10 лет спустя
За кадрам хлопец жартам кажа, што на гэтыя грошы яны памяняюць дах у доме, купяць бычка і машыну.
Людзі ў каментарах пачалі выказвацца, што трэба было яшчэ ў 2016‑м пакласці гэтыя грошы на ўклад або адразу ж патраціць: «Вось уявіце, што нехта, адкладаючы гэтыя грошы, шмат у чым сабе адмаўляў, а цяпер гэта фанцікі! Выснова: жывіце тут і цяпер і не трэба сябе абмяжоўваць!»
А колькі гэта — 9 мільёнаў рублёў у 2026 годзе?
У 2016 годзе долар прадаваўся прыкладна па 2 дэнамінаваныя рублі або па 20 000 недэнамінаваных рублёў. Такім чынам, за 9 мільёнаў рублёў у тыя часы можна было купіць $450. Пры гэтым сярэдні заробак тады складаў $364. Калі слоік з грашыма і сапраўды быў схаваны ў 2016-м, атрымліваецца, што ў ім знаходзілася прыкладна паўтары зарплаты тагачаснага сярэднестатыстычнага беларуса.
Выведзеныя з абарачэння грошы можна было абмяняць на працягу некалькіх гадоў, але апошні тэрмін ужо мінуў — ён скончыўся 1 студзеня 2025 года.
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары