Biełaruskaja siamja 10 hadoŭ nie mahła znajści schavanuju zanačku. Hrošy ŭvieś hety čas lažali ŭ piečy
Biełaruskaja siamja znajšła słoik, u jakim było schavana 9 miljonaŭ niedenaminavanych biełaruskich rubloŭ. Videa z padlikam banknot u TikTok vykłała dziaŭčyna Naścia, rolik jana nazvała «Znajšli 9 000 000 rubloŭ 10 hadoŭ praz», zaŭvažyŭ Myfin.
«Och, zažyli b, novuju mašynu kupili b z sałona», — kaža dziaŭčyna na videa.
U kamientarach jana ŭdakładniaje, što słoik z hrašyma znajšli ŭ piečy.
Našli kład 9.000000 10 let spustia
Za kadram chłopiec žartam kaža, što na hetyja hrošy jany pamianiajuć dach u domie, kupiać byčka i mašynu.
Ludzi ŭ kamientarach pačali vykazvacca, što treba było jašče ŭ 2016‑m pakłaści hetyja hrošy na ŭkład abo adrazu ž patracić: «Voś ujavicie, što niechta, adkładajučy hetyja hrošy, šmat u čym sabie admaŭlaŭ, a ciapier heta fanciki! Vysnova: žyvicie tut i ciapier i nie treba siabie abmiažoŭvać!»
A kolki heta — 9 miljonaŭ rubloŭ u 2026 hodzie?
U 2016 hodzie dołar pradavaŭsia prykładna pa 2 denaminavanyja rubli abo pa 20 000 niedenaminavanych rubloŭ. Takim čynam, za 9 miljonaŭ rubloŭ u tyja časy možna było kupić $450. Pry hetym siaredni zarobak tady składaŭ $364. Kali słoik z hrašyma i sapraŭdy byŭ schavany ŭ 2016-m, atrymlivajecca, što ŭ im znachodziłasia prykładna paŭtary zarpłaty tahačasnaha siaredniestatystyčnaha biełarusa.
Vyviedzienyja z abaračeńnia hrošy možna było abmianiać na praciahu niekalkich hadoŭ, ale apošni termin užo minuŭ — jon skončyŭsia 1 studzienia 2025 hoda.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary