Мінчук нарваўся на дзясятую крымінальную справу праз сапсаваны сальцісон
У Мінску накіравалі ў суд крымінальную справу супраць 46‑гадовага мясцовага жыхара, якога абвінавачваюць у хуліганстве. Мужчына, які раней дзевяць разоў прыцягваўся да крымінальнай адказнасці, разбіў шкло ў дзвярах крамы, бо яму здалося, што яму прадалі сапсаваны курыны сальцісон, піша агенцтва «Мінск-Навіны».
У сакавіку 2026 года мінчук вызваліўся з месцаў пазбаўлення волі, дзе адбываў пакаранне за рабаванне. Аднак ужо ў чэрвені зноў учыніў злачынства.
Увечары, знаходзячыся ў стане алкагольнага ап’янення, мужчына купіў у краме на вуліцы Лабанка курыны сальцісон і палову булкі хлеба. Пасля гэтага ён сеў перакусіць на дзіцячай пляцоўцы непадалёк. Разгарнуўшы прадукт, мінчук вырашыў, што той сапсаваны, і вярнуўся да крамы. Але яна ўжо была зачыненая. Мужчына пачаў стукаць у дзверы, а калі ніхто не адчыніў, ударыў кулаком па шкле і разбіў яго.
Пра здарэнне паведамілі міліцыі прадаўцы, якія яшчэ не паспелі пайсці дадому. Мужчыну хутка затрымалі і распачалі супраць яго новую крымінальную справу.
Паводле намесніка пракурора Фрунзенскага раёна Андрэя Сербуна, абвінавачаны мае базавую адукацыю, разведзены і працуе грузчыкам. Раней яго дзевяць разоў прыцягвалі да крымінальнай адказнасці, у шасці выпадках — за злачынствы супраць уласнасці. У яго застаецца непагашаная судзімасць.
Мужчыну абвінавачваюць у хуліганстве — наўмысных дзеяннях, якія груба парушаюць грамадскі парадак, выяўляюць відавочную непавагу да грамадства і суправаджаюцца пашкоджаннем або знішчэннем чужой маёмасці. Гаворка ідзе пра частку 1 артыкула 339 Крымінальнага кодэкса.
Сваю віну мінчук цалкам прызнаў, але шкоду ў памеры 575 рублёў не кампенсаваў. Паводле заключэння экспертаў, ён мае патрэбу ў прымусовым лячэнні ад хранічнага алкагалізму і наркаманіі.
У дачыненні да абвінавачанага абралі меру стрымання ў выглядзе падпіскі аб нявыездзе і належных паводзінах.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі4
Каментары
выражать
1) (обнаруживать) выяўляць
(показывать) паказваць
(передавать) перадаваць
(отражать) адлюстроўваць
картина выражает замысел художника — карціна выяўляе (перадае) задуму мастака
лицо выражало гнев — твар адлюстроўваў гнеў
2) (высказывать) выказваць
красноречиво выражать свои мысли — красамоўна выказваць свае думкі