Праўладны Саюз пісьменнікаў пашырае свае шэрагі за кошт расійскіх літаратараў

У апошнім нумары газеты «Літаратура і мастацтва» надрукаваныя кароткія біяграфіі асоб, прынятых апошнім часам у праўладны Саюз пісьменнікаў Беларусі на чале з Алесем Карлюкевічам. Усяго такіх людзей сямёра, і чацвёра з іх, як выглядае, не маюць да Беларусі і беларускай літаратуры ніякага дачынення. 

Так, у Саюз пісьменнікаў Беларусі прынялі:

• старшыню Саюза пісьменнікаў Башкартастана Айгіза Баймухаметава;
• ураджэнца Ліпецка Валянціна Баюканскага, які «працаваў карэспандэнтам і рэдактарам у расійскіх і замежных сродках масавай інфармацыі»;
• настаяцеля храма Ражджаства Іаана Прадцечы ў Юках Выбаргскай епархіі (Ленінградская вобласць) Рыгора Грыгор'ева;
• выкладчыка, фатографа, журналіста, мастака, рэдактара ў розных выдавецтвах Аляксандра Макаранкава, які нарадзіўся і вырас на Смаленшчыне, а цяпер жыве ў Падмаскоўі.

Якія заслугі гэтых людзей менавіта перад беларускай літаратурай — цяжка зразумець. Як таксама цяжка пакуль сказаць, ці даўно пачаўся прыём расіян у СПБ і наколькі гэта ўжо масавая з'ява. 

З трох літаратараў-беларусаў, прынятых гэтым разам у саюз разам з расіянамі, дарэчы, толькі адна Наталля Жылевіч з Валожына піша вершы па-беларуску, а Анатоль Папейка і Ірына Захарава — рускамоўныя.

Каментары да артыкула