Спыняцца папаўняць спіс «экстрэмісцкіх» кніг не збіраюцца.
«Пералік такой літаратуры мы вядзем з 2023 года, — адзначыў намеснік міністра інфармацыі Дзяніс Язерскі ў інтэрв'ю «Вячэрнему Мінску». — У спісе цяпер 65 выданняў, але, на жаль, ён пашыраецца. У асноўным аўтары такой непажаданай літаратуры — прадстаўнікі ЗША, краін Еўрасаюза. Гэта кнігі, якія прапагандуюць жорсткасць, гвалт, тое, што нам абсалютна чужое і непрымальнае, яны здольнае нанесці шкоду нацыянальным інтарэсам. Спіс апублікаваны на сайце Міністэрства інфармацыі.
З такімі выданнямі мы змагаемся. Пастаянна праводзім маніторынг продажаў кніг, у тым ліку ў інтэрнэце, і, на жаль, выяўляем факты прапановы такой літаратуры. Таму мы працягнем прафілактычную працу з распаўсюднікамі кніг, каб яны не заказвалі літаратуру выключна па малюнку, назве і кароткай анатацыі, але таксама выконвалі дзеючае ў Беларусі заканадаўства».
Насамрэч у спісе забароненых цяпер 92 выданні.
Адзначым, што ў гэтым спісе ёсць кнігі беларускіх пісьменнікаў і гісторыкаў. Сярод іх — «Апошняя кніга пана А.» Альгерда Бахарэвіча, «Ваенная гісторыя Беларусі. Герой. Сімвал. Колер» Віктара Ляхора, «Айчына: Маляўнiчая гiсторыя. Ад Рагнеды да Касцюшкi» Уладзіміра Арлова і Паўла Татарнікава. Іх забарона прадыктавана непажаданым поглядам на гісторыю краіны або «нелаяльнасцю» асобы аўтара. З замежнай літаратуры нядаўна спіс забароненых уладамі кніг папоўнілі «Воблачны атлас» Дэвіда Мітчэла, «Калыханка» Чака Паланіка, «ГУЛАГ» Эн Эплбаум.
Сам чыноўнік на нядаўняй кніжнай выставе ў Мінску набыў сабе кнігу дэпутата і гісторыка Ігара Марзалюка «Ад Русі і Літвы да Беларусі: вытокі і генезіс беларускага народа».
Цяпер чытаюць
Стала вядома, дзе працуе фаварытка Лукашэнкі Уладлена Зайцава11
Каментары
===============================
Для белорусского народа да, это неприемлемо. А вот для режима давно стало нормой. Более того, узурпатор требует жестокости и насилия от своих псов, чтобы если задержание, то разорванный рот у задержанного. Тут виден страх режима, что если народ станет менее мягкотелом, то у пособников режима будет земля гореть под ногами. Отсюда и запреты.
-----------
Мне цікава, калі гэтыя чыноўнікі будуць забараняць кнігі Марзалюка і пяройдуць да чыстае бондараўшчыны-гігіншчыны