Praŭładny Sajuz piśmieńnikaŭ pašyraje svaje šerahi za košt rasijskich litarataraŭ

U apošnim numary haziety «Litaratura i mastactva» nadrukavanyja karotkija bijahrafii asob, pryniatych apošnim časam u praŭładny Sajuz piśmieńnikaŭ Biełarusi na čale z Alesiem Karlukievičam. Usiaho takich ludziej siamiora, i čaćviora ź ich, jak vyhladaje, nie majuć da Biełarusi i biełaruskaj litaratury nijakaha dačynieńnia. 

Tak, u Sajuz piśmieńnikaŭ Biełarusi pryniali:

• staršyniu Sajuza piśmieńnikaŭ Baškartastana Ajhiza Bajmuchamietava;
• uradženca Lipiecka Valancina Bajukanskaha, jaki «pracavaŭ karespandentam i redaktaram u rasijskich i zamiežnych srodkach masavaj infarmacyi»;
• nastajaciela chrama Raždžastva Iaana Pradciečy ŭ Jukach Vybarhskaj jeparchii (Leninhradskaja vobłaść) Ryhora Hryhorjeva;
• vykładčyka, fatohrafa, žurnalista, mastaka, redaktara ŭ roznych vydaviectvach Alaksandra Makarankava, jaki naradziŭsia i vyras na Smalenščynie, a ciapier žyvie ŭ Padmaskoŭi.

Jakija zasłuhi hetych ludziej mienavita pierad biełaruskaj litaraturaj — ciažka zrazumieć. Jak taksama ciažka pakul skazać, ci daŭno pačaŭsia pryjom rasijan u SPB i nakolki heta ŭžo masavaja źjava. 

Z troch litarataraŭ-biełarusaŭ, pryniatych hetym razam u sajuz razam z rasijanami, darečy, tolki adna Natalla Žylevič z Vałožyna piša vieršy pa-biełarusku, a Anatol Papiejka i Iryna Zacharava — ruskamoŭnyja.

Kamientary da artykuła