Грамадства55

«Сітуацыя значна больш сур’ёзная». Хакеры ў Літве скралі каля 600 тысяч запісаў, у тым ліку літоўскіх разведчыкаў

Выцек даных з Цэнтра рэгістраў Літвы наўпрост пагражае нацыянальнай бяспецы краіны, паколькі закранае супрацоўнікаў спецслужбаў, заявіў лідар літоўскіх кансерватараў Лаўрынас Кашчунас. Палітык падазрае, што за гэтым стаіць маштабная разведвальная аперацыя РФ.

Лаўрынас Кашчунас. Фота: Белсат

Генеральная пракуратура Літвы зараз расследуе кражу каля 600 тысяч запісаў. Паводле звестак ведамства, незаконныя падключэнні да сістэмы адбываліся з-за мяжы.

«Праз недахоп інфармацыі ў грамадскай прасторы магло скласціся ўражанне, што гэта маштабнае кіберзлачынства, але напраўду сітуацыя значна больш сур'ёзная і нясе пагрозу нацыянальнай бяспецы Літвы — падазраецца, што гэта выведвальная аперацыя Расейскай Федэрацыі», — напісаў палітык у Facebook.

«Падчас яе, магчыма, былі скрадзеныя звесткі дзяржаўных рэестраў аб службовых асобах літоўскай выведкі, афіцэрах, асобных палітыках і дзяржслужачых, а таксама іншых фізічных і юрыдычных асобах», — дадаў ён.

Між тым, адрасы дамоў, сядзіб і іншай нерухомасці разведчыкаў, афіцэраў, дыпламатаў або палітыкаў лічацца канфідэнцыйнай інфармацыяй, паколькі могуць стварыць умовы для сачэння, ціску ці нават пагрозы фізічнай бяспекі.

«Маючы дакладны адрас, можна адсочваць распарадак дня чалавека — калі ён сыходзіць або вяртаецца дадому, хто яго наведвае, якія яго звычкі або маршруты перамяшчэння. Таксама можа весціся фізічнае назіранне побач з месцам жыхарства для выяўлення сеткі кантактаў, уразлівых месцаў або, у некаторых выпадках, для ўстаноўкі тэхнічных сродкаў назірання, такіх як камеры або абсталяванне для перахопу сігналаў», — адзначыў кіраўнік партыі «Саюз Айчыны — літоўскія хрысціянскія дэмакраты».

Акрамя таго, на аснове дадзеных рэестраў, інфармацыі пра сям'ю, нерухомасці, школах або сацыяльных сувязях можна скласці падрабязныя профілі асобы.

«У некаторых выпадках адрасы выкарыстоўваюцца для вярбоўкі або ціску — з мэтай выяўлення фінансавых цяжкасцяў, уразлівых месцаў сям'і або асабістых звычак, а таксама для ўскоснага доступу да чалавека праз суседзяў, пастаўшчыкоў паслуг або знаёмых», — сказаў Кашчунас.

Пракуратура не называе ні краіну, з якой было арганізавана падключэнне, ні ўстановы, чые ўліковыя запісы былі выкарыстаныя. Кіраўнік Цэнтра рэгістраў таксама заявіў, што не можа раскрыць гэтую інфармацыю, піша LRT.

Каментары5

  • Да уж
    25.05.2026
    Ничего страшного, подумаешь у спецслужб явно недружественной страны оказались такие чувствительные данные. Ведь граница надежно мониторится, визы кому попало не выдаются, нет смысла переживать и разводить панику на ровном месте.
  • Бубубу
    25.05.2026
    Ды не звяртайце ўвагу - на тле перамогі над літвінізмам і беларускімі прадуктамі ў аўтобусах - гэта такая дробязь!
  • Штирлиц
    25.05.2026
    Ищите среди своих кто дал доступ до закрытых баз данных.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць