У Японіі згарэла будыйская святыня, у якой ужо 1200 гадоў гарыць «вечны агонь»
У Японіі зноў згарэла будыйская святыня, дзе, як сцвярджаюць вернікі, ужо каля 1200 гадоў бесперапынна гарыць так званы «вечны агонь». Гэта месца мае вялікае рэлігійнае значэнне для будыстаў, піша The New York Times.
Пажар адбыўся 20 мая ў зале Рэйкода, якая знаходзіцца на востраве Міядзімі каля гары Місэн. Агонь ахапіў драўляную будыніну, у тым ліку малітоўныя памяшканні. Пажарнікі даведаліся пра ўзгаранне раніцай, і прыкладна праз дзве гадзіны агонь удалося патушыць. Ніхто не пацярпеў.
Нягледзячы на разбурэнне будынка, сам «вечны агонь» удалося выратаваць — яго вынеслі падчас ліквідацыі пажару. У храме Дайсё-ін, якому належыць гэта святыня, паведамілі, што адразу пачнуць аднаўленне залы.
Паводле падання, гэты агонь быў запалены яшчэ ў IX стагоддзі манахам Кукаем, заснавальнікам адной з будыйскіх школ. Над гэтым полымем грэюць ваду, якую лічаць гаючай і такой, што прыносіць удачу паломнікам.
Гэта ўжо не першы выпадак пажару ў гэтым месцы. Раней будынак ужо гарэў, пасля чаго яго аднавілі ў 2005 годзе. Святыня зробленая з традыцыйных матэрыялаў, таму яна асабліва ўразлівая да агню.
Прычыны цяперашняга пажару пакуль высвятляюцца мясцовымі ўладамі.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары