«Udar pa Tesla» — praciŭniki Maska pratestavali va ŭsim śviecie

U minułuju subotu pa ŭsim śviecie prajšła najbolš masavaja akcyja pratestu suprać Iłana Maska.

Stykier z nadpisam «Nie nabyvaj svastykar», jaki šyrycca ŭ Jeŭropie. Fota: everyonehateselon_ / Instagram

Suśvietnaja akcyja «Tesla Takedown», jakaja prajšła 29 sakavika kala niekalkich socień sałonaŭ elektrahihanta, stała samym maštabnym pratestam suprać Iłana Maska.

Jak zajavili arhanizatary, jany suprać taho, što hienieralny dyrektar Tesla Iłan Mask robić z fiederalnym uradam ZŠA — masavych zvalnieńniaŭ, skaračeńnia biudžetaŭ dziaržaŭnych viedamstvaŭ, likvidacyi cełych ustanoŭ.

Pratestoŭcy kala adnaho z sałonaŭ Tesla u Kalifornii (ZŠA). Fota: Mario Tama / Getty Images

Pratesty pačalisia apoŭdni pierad vystavačnymi załami Tesla u Aŭstralii i Novaj Ziełandyi, a zatym prakacilisia pa ŭsioj Jeŭropie ŭ takich krainach, jak Finlandyja, Narviehija, Danija, Hiermanija, Francyja, Niderłandy i Vialikabrytanija. U ZŠA mitynhi prajšli praktyčna kala kožnaha sałonu prodažaŭ Tesla, jakich u krainie naličvajecca zvyš 270.

Pratestoŭcy kala adnaho z sałonaŭ Tesla u Kalifornii (ZŠA). Fota: Mario Tama / Getty Images

Jak piša The Gardian, kožny mitynh byŭ łakalna arhanizavany z aryhinalnymi temami. Naprykład, u Irłandyi pratesty prachodzili pad łozunham «Smash the Fash», što pierakładajecca jak «Patruščy fašyka».

Da hetaha ŭ Vialikabrytanii razharnułasia šyrokaja kampanija pa rasklejcy płakataŭ i postaraŭ ź zihujučym Iłanam Maskam. Jak piša The Independent, pieršyja nievialikija postary pačali źjaŭlacca ŭ Łondanie ŭ lutym.

«Razhaniajecca z 0 da 1939». Płakat na adnym z prypynkaŭ u Łondanie. Fota: everyonehateselon_ / Instagram

Praź niekatory čas u internecie staŭ virusnym zdymak, na jakim vidać vialiki płakat «Tesla: The Swasticar. Goes from 0 to 1939 in 3 seconds» («Tesła: svastykar. Razhaniajecca ad 0 da 1939 za 3 siekundy»), raźmieščany na adnym z prypynkaŭ.

Posmotrieť etu publikaciju v Instagram

Publikacija ot Marketing Mind (@marketingmind.in)

Arhanizataram vystupiła hrupa aktyvistaŭ ​«Everyone Hates Elon» («Usie nienavidziać Iłana»), jakaja śćviardžaje, što Mask spryjaje ŭzmacnieńniu ŭpłyvu ŭltrapravych ruchaŭ u ZŠA i Jeŭropie, i ličyć nieabchodnym supraćstajać hetamu.

Jak paviedamlałasia raniej, ciapier Tesla sutykajecca z šeraham prablem: u ZŠA adklikali amal usie Cybertruck, u Jeŭropie fiksujucca akty vandalizmu suprać elektramabilaŭ, u Hiermanii ŭ lutym prodažy abvalilisia na 76,3% u paraŭnańni ź minułym hodam.

Kamientary da artykuła