Mask straciŭ $148 miljardaŭ za dva miesiacy, ale ŭsio adno zastajecca samym bahatym čałaviekam na Ziamli
Bahaćcie Maska ciapier aceńvajecca ŭ 321 miljard dalaraŭ, adnak jano imkliva źmianšajecca. Asnoŭnaja pryčyna — padzieńnie akcyj Tesla bolš čym na 40% paśla inaŭhuracyi prezidenta Donalda Trampa, paviedamlaje Bild.
Vystupajučy ŭ roli zmahara ź biurakratyjaj, Mask nanios surjoznuju reputacyjnuju škodu jak sabie, tak i svajoj kampanii. Jaho krytykujuć za masavyja zvalnieńni, jakija praciŭniki nazyvajuć advolnymi. Tradycyjnaja klijenckaja baza Tesla — libieralna nastrojenyja pakupniki — pastupova advaročvajucca ad kiraŭnika kampanii.
U lutym Tesla pradała 43 650 aŭtamabilaŭ, što na 6% mienš, čym za toj ža pieryjad letaś. U Jeŭropie paviedamlajuć pra padzieńnie prodažaŭ na 75% u apošni čas. Bolš za toje, ahresiŭnyja aktyvisty padpalvajuć aŭtamabili Tesla i razmaloŭvajuć šourumy nadpisami kštałtu «Nacysty».
Usio heta vyklikaje surjoznaje zaniepakojeńnie ŭ inviestaraŭ. Inviestycyjny bankir Ros Hierbier užo zaklikaŭ Maska pakinuć pasadu kiraŭnika Tesla, pakolki jaho «taksičny vobraz» škodzić kampanii.
Kamientary
A čaho dabiŭsia ty, čytač? ;)