Iłan Mask akazaŭsia ŭ składanaj situacyi: akcyi Tesla imkliva tańniejuć, a davier inviestaraŭ i klijentaŭ padaje.
Kab nie dapuścić jašče bolšaha abvału, miljarder asabista źviarnuŭsia da supracoŭnikaŭ na sustrečy ŭ ofisie ŭ Techasie, u Ościnie, z prośbaj nie pradavać ułasnyja akcyi kampanii, paviedamlaje Bild.
«Kali akcyi chłynuć na rynak, heta pryviadzie da novaha abvału», — zajaviŭ Mask.
Jon pasprabavaŭ padtrymać kamandu, skazaŭšy, što «budučynia kampanii śvietłaja i zachaplalnaja», asabliva ŭ śfiery aŭtanomnaha kiravańnia. Ale i sam pryznaŭ: situacyja dalokaja ad stabilnaj.
«Kali čytaješ naviny, zdajecca, što nadychodzić Armahieddon. Ja ledź prachodžu mima televizara, kab nie pabačyć pałajučuju Tesla, — žartam dadaŭ jon.
Ciapier Tesla sutykajecca z šeraham prablem: u ZŠA adklikali amal usie Cybertruck, u Jeŭropie fiksujucca akty vandalizmu suprać elektramabilaŭ, u Hiermanii ŭ lutym prodažy abvalilisia na 76,3% u paraŭnańni ź minułym hodam — zarehistravana tolki 1429 novych aŭto.
Niahledziačy na ciažkaści, Mask anansavaŭ płany pa vychadzie na avijacyjny rynak. Na hetym fonie akcyi Tesla, choć i nie pajšli ŭ rost, ale prypynili padzieńnie.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary