Biełaruski analityk paraŭnaŭ słovy Mierca sa słovami Kienedzi
«Abarona Vilni — heta abarona Bierlina. A naša ŭsichnaja svaboda zakančvajecca nie na hieapalityčnaj linii — jana zakančvajecca tam, dzie my pierastajem jaje abaraniać. Mienavita tamu my tut siońnia», — skazaŭ Frydrych Mierc 22 maja padčas naviedvańnia raźmieščanaj na terytoryi Litvy bryhady Bundeśviera.
Frydrych Mierc u Vilni ź niamieckimi vajskoŭcami. Fota: Michael Kappeler/picture alliance via Getty Images
«NATA moža spadziavacca na Hiermaniju. My razumiejem, što biaśpieka pačynajecca nie na našych miežach. Jana pačynajecca tam, dzie našym sajuźnikam i partnioram davodzicca jaje abaraniać.
Mienavita tamu biaśpieka Litvy — heta i naša biaśpieka. Abarona Vilni — heta abarona Bierlina. A naša ahulnaja svaboda zakančvajecca nie na hieapalityčnaj linii — jana zakančvajecca tam, dzie my pierastajem jaje abaraniać. Mienavita tamu my tut siońnia», — skazaŭ Mierc padčas naviedvańnia raźmieščanaj na terytoryi Litvy bryhady Bundeśviera.
Na hetyja słovy źviarnuŭ uvahu palityčny analityk Alaksandr Frydman, napisaŭšy:
«Słovy prezidenta Džona F. Kienedzi «Ja — bierliniec», vymaŭlenyja 26 červienia 1963 hoda ŭ Zachodnim Bierlinie, stali kultavaj frazaj «Chałodnaj vajny XX stahodździa». Ci stanuć słovy fiederalnaha kanclera Frydrycha Mierca «Abarona Vilni — heta abarona Bierlina», pramoŭlenyja 22 traŭnia 2025 hoda u Vilni, kultavaj frazaj «Chałodnaj vajny XXI stahodździa»?
Čytajcie taksama:
«My nie dazvolim Rasii ŭbić klin pamiž nami». Mierc adpraviŭ tankavuju bryhadu bundeśviera ŭ Litvu
Tusk: Polšča nie adpravić vojski va Ukrainu, heta kančatkovaje rašeńnie
Ministr abarony Hiermanii: Pucin prosta ciahnie čas, treba ŭzmacniać sankcyi
Jeŭrapiejskija lidary byli ahałomšanyja vynikami razmovy Pucina i Trampa — Axios